Zentzu horretan, Urkulluk memoriarekin lotzen dituen balioak azpimarratu zituen: "elkartasuna, enpatia pairatu zuten eta pairatzen ari direnekin". "Bizitza hautatzen dugu heriotzaren aurrean, jarrera eraikitzailea" baita, Urkulluren ustez oroimenari erantzuteko erarik onena. "Bakea eta giza eskubideak hezkuntzaren erdigunean" kokatu behar direla defenditu zuen eta "elkarrizketaren aldeko apustua" egiteko deia zabaldu zuen. “Batzen gaituena” zaintzearen alde agertu da, "Lurzoru Etikoa", alegia. “Bakerako memoria etika eraikitzea, hezkuntza eraikitzea eta adostasuna eraikitzea” baita, ziurtatu zuen.
Horretaz gain, ekitaldiak izan ziren Eusko Legebiltzarrean, Forondako Atean, Gasteizen; Casilda Iturrizar parkean, Bilbon; eta Miramonerako sarbidean, Gipuzkoan.
Urkulluk parte hartu du EHUko Arboretumean izandako Oroimenaren Eguneko ekitaldian
EAJren ordezkaritza izan zen atzokoan euskal erakundeek Oroimenaren Eguna ospatzeko antolatutako ekitaldietan, zeintzuetan helburua "bortxakeria ororen biktima guztiei zor zaien oroimena eta ordaina aldarrikatzea" zen, jelkideen hitzetan. Eguerdian, Leioan, EHUren Arboretum-ean egin zen ekitaldia, eta bertan izan ziren Iñigo Urkullu lehendakaria eta Eusko Jaurlaritzako sailburu guztiak (Josu Erkoreka, Arantza Tapia, Juan María Aburto, Ricardo Gatzagaetxebarria, Cristina Uriarte, Jon Darpón, Estefanía Beltrán de Heredia eta Ana Oregi); Iñaki Goirizelaia errektorearekin batera. Urkulluk gogoratu zuen bi urte igaro direla ETAk indarkeria baztertu zuenetik. Gertaera horrek, Eusko Jaurlaritzaren lehendakariaren hitzetan, “Memoriaren politika publiko baten gaineko gogoeta bati behar bezala heltzea” ahalbidetu du. “Oroitzapenaren bultzadaz harago” doan memoria, “oroitzapenarekin lotuta geldi dadin nahi den hori da”, azaldu zuen. Argazkian, Urkullu eta Goirizelaia atzoko ekitaldian, hainbat buruzagi jelkideekin batera / © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun