"Kirolean, futbolean konkretuki, euskara sustatzeko beste urrats bat eman dugu, aplikazio informatiko hau eskaintzen, ikusi dugulako euskararen ezinbestekoa dela futbol entrenamenduetan entrenatzaileak eta ume-gazteek euskaraz egitea. Futbolean ari diren umeen eta gazteen erreferentea dira euren entrenatzaileak, askotan, imitatu beharrekoak. Horregatik uste dugu oso garrantzitsua dela entrenatzaile horiek euskaraz mintzatzea entrenamenduetan. Horretan Kimet Planning lagungarria izan daitekeelakoan gaude, software informatikoaren barruan dagoen entrenamenduetarako metodologia, planifikazioa eta entrenamendu fitxak euskaraz erabili ahal izango dituztelako entrenatzaileek”, adierazi du Koldo Iturbe Euskara zinegotziak.
Funtzionamendua
Kimet Planning tresna informatikoa benjamin, kimu, infantil, kadete eta jubenil kategorietarako da aproposa eta horretaz gain, arreta berezia eskaintzen die eskola futbolari eta nesken futbolari ere, hau da 6 eta 18 urte bitartekoentzat. Urte osoko planifikazioa eskaintzen die entrenatzaileei eta baita Getxo Kirolak udal erakundeko kirol teknikariei ere, saio desberdin eta material zehatzarekin batera. Lau urtetarako proiektua da eta edozeinek egoki dezake bere beharretarako. “Proiektuak futbolari buruzko formazioa eta euskararen normalizazioa batzen ditu, entrenatzaileentzat oso baliagarria izan daitekeen materiala eskaintzen. Kalitatezko materiala da eta batzuetan txikien mailetan hori eskasa izaten da eta honekin sustatzen dugu egunerokoan euskararen presentzia”, Garikoitz Fullaondo Kimet Sport enpresako kirol zuzendariak prentsaurrekoan adierazi duenez. Programa http://www.kimetsport.com/es/kimet-planning/que-es-kimet-planning webgunean dago eta horretan sartu ahal izateko Getxo Kirolak udal erakundeak erabiltzaile kodea eta pasahitza emango dizkie futbol taldeei. Kimet Sport enpresak materiala mantendu eta eguneratuko du.
Bere aldetik, Jose Angel Iribarrek bere esperientzia kontatzerakoan azpimarratu du aspalditik konturatu zela euskarari lotuta, hutsunea zegoela bai aldageletan bai zelaian. Hiztegi bat lantzen hasi ziren eta ordutik hona urte asko pasa dira eta “orain poza handiarekin ikusten dut aurrerapauso garrantzitsuak ematen ari direla. Proiektua pozgarria da niretzat, euskara gehiago suposatuko duelako. Aurrerapauso izugarria da teknikarien formaziorako eta hori beharrezkoa da gure umeak euskaraz egiteko aukera izan dezaten. Ona da euskararen etorkizunerako”, zehaztu du Iribarrek.
Futbol entrenamenduak euskaraz planifikatzeko software informatikoa aurkeztu du Getxoko Udalak
Futbol entrenamenduak euskaraz planifikatzeko eta egituratzeko Kimet Planning izeneko software informatikoa aurkeztu du gaur goizean Getxoko Udalak. "Pasa baloia euskarari" egitasmoaren barruan kokatzen da. Horren helburua 8 eta 18 urte bitarteko ume eta gazteen artean euskararen erabilera sustatzea da eta, horren barruan, 2011n Udalak eta Kimet Sport enpresak lankidetza hitzarmena izenpetu zuten. Kimetek landutako entrenamenduetarako metodologia teorikoa euskaratu du tokiko erakundeak. Material hori Kimet Planning webgunean dago eta horra sartzeko herriko entrenatzaileei emango die pasahitza Udalak. Aurkezpen publikoa etzi, ostegunean, izango da Algortako Fadurako kiroldegiko batzar aretoan, 19:30ean, software informatikoa udalerriko klubetako eta taldeetako entrenatzaileei erakusketako. Bertan Gorka Iraizoz, Mikel San Jose eta Eli Ibarra Athleticeko jokalariak, Gaizka Garitano Eibar taldeko entrenatzailea eta Garikoitz Fullaondo Kimet Sport enpresako kirol zuzendaria izango dira. Horren aurretik, 18:45etik 19:15era, jokalariek kamisetak eta argazkiak sinatuko dizkiete umeei eta hurbiltzen direnei. Argazkian, ekitaldian Koldo Iturbe Euskara zinegotzia, Garikoitz Fullaondo Kimet Sporteko kirol zuzendaria eta Jose Angel Iribar izan dira, azken hori era testimonialean futbola eta euskara batzearen garrantzia azpimarratzeko / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun