Espainiako Auzitegi Nazionalak Gorenari aurre hartu zion ostiralean eta 197/2006 doktrina ezarria zuten bederatzi euskal preso politikoren kaleratzea agindu zuen. Gaurko bileran bildu diren magistratuen ustez, ondo egin zuen Auzitegi Nazionalak, eta horretan jarraitu behar du, beste inoren zain egon gabe. Kasus kasu aztertzen. Berak aplikatu zuenez doktrina, berari dagokio kentzea ere.
Gorenak datorren astean erabakiko du bere esku dituen bost kasuei buruz. Izan ere, Parot doktrina aplikatuta giltzapean dauzkaten bost presoren helegiteak ditu mahai gainean, Espainiako auzitegietan jarraitzen ari ziren prozedimentuaren baitan. Haietako batzuk fiskalak jarritako helegiteak dira, aske utzitako preso batzuk berriz kartzelatzeko eskatuz.
"Parot doktrinaren" gaineko epaia auzitegi bakoitzak aplikatzea ebatzi du Gorenak
Europako Giza Eskubideen Auzitegiko epaia 197/2006 doktrina edo "Parot doktrina" deritzotena aplikatu zuten auzitegiek beraiek ezartzea ebatzi du gaurko bileran Espainiako Auzitegi Gorenak. Bigarren Zigor Salako hamasei epaileek diote, doktrina aplikatu zuten beraiei dagokiela hura indargabetzea, hala egiten behar denean, eta ez Gorenari. Erredentzioak kontatzeko modua Gorenean bihurtu zen doktrina 2006an, baina aplikatu, zigorra jartzen duten auzitegiek aplikatzen dute. Beraz, aurreko astean abiatutako bidean jarraituko du Espainiako Auzitegi Nazionalak. Ostiralero bilerak egingo ditu Zigor Salak, eta kasuak banaka aztertu ostean presoak kaleratzen, tartean Iñaki Gonzalo Casal "Kitxu" itzubaltzetarra dela. Auzitegi Nazionalak hartutako erabakiekin alderen bat konforme ez balego, Auzitegi Gorenean helegitea jartzeko aukera luke. Argazkian, 197/2006 doktrina bertan behera utzi eta Gonzalo Casal askatzeko aldarrikatu zuten urriko Azken Ostiralean, Itzubaltzeta / Romon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun