Euskal Herria-Galizia Elkartasun Eguneko kartela (jpg)
Larunbat honetan, azaroak 16, Euskal Herria-Galizia Elkartasun Eguna ospatuko dute Sopelan. Centro social A Revolta do Berbês eta Gazte Asanblada Sopeloztarrak (GAS) antolatuta, Familiares e Amig@s de Pres@s Independentistas Galeg@s elkarteko hainbat kide ere izango dira. Jardunaldia 13:00etan hasiko da, aipatutako kolektiboei harrera egin eta hauek eskainiko duten hitzaldiarekin. Bertan, Galiziako preso politikoen, errepresioaren kontrako mugimenduen eta orokorrean egoera politikoaren berri emango dute, GASek zehaztu duenez. Jauregizar plazan izango da solasaldia. Egitarauarekin jarraituz, 15:00etan kantu-bazkaria izango da udal pilotalekuan eta, ondoren, gaita-triki-poteoa herritik zehar. Amaitzeko, Vigoko Liska ska-punk taldearen eta Aiaraldeko Aizkorakada baldaren kontzertuak egongo dira, Sekeko gaztetxean. Bazkarirako txartelak (5 euro) Laiak, Lurren eta Mikelats tabernetan jarri dituzte eskura, horiek erosteko azken eguna bihar dela. Argazkian, Xosé Ramón Reboiras 1975ean Poliziak hildako Frankismoaren kontrako militantearen aldeko murala Ferrolen / cc-by Kaos en la Red.
"Egun honekin, burujabetasuna lortu bidean lanean gabiltzan bi herri hauen arteko harremana sakontzea eta haien errealitatea hurbilagotik ezagutzea ditugu helburu. Horrela, internazionalismoa bultzatuz, ekarpenak jaso eta zabalduz. bion borrokak indartu eta aberastuko ditugulakoan", azaldu du Sopelako Gazte Asanbladak.
Euskal Herria-Galizia Elkartasun Eguneko kartela (jpg)
Euskal Herria-Galizia Elkartasun Eguneko kartela (jpg)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun