Guzti honek ondorioztatzera garamatza, gure jardunaren bermea Militanteok eta ikasle mugimenduak egunerokotasunean egiten dugun lana dela. Horregatik, Euskal Herria hezkuntzatik eraikitzeko erabakian berresten gara.
Hau ez da ezeren amaiera, beste 25 urtez aurrera jarraituko dugu, Euskal Eskola Nazionala baitugu irabazteko.
Zorroztu arkatzak eta altxa!!! Dantzatzen jarraituko dugu!!! Gora Ikasle eta Abertzaleak!!!
Oharra: Nahi izatekotan sarreren dirua erosi den tabernan bueltatuko da
Ikasle Abertzaleak
IAren agerraldiaren bideoa (© Azken Ikasle Dantza)
http://youtu.be/CCRp_DU0dYQ
Pasa den martxoaren 30ean Urduñan Ikasle Abertzaleen 25. urteurrenaren dinamika aurkeztu genuen. Bertan, urteurrenari egozten genizkion helburuak eta horren baitan burutuko genituen ekimenen berri eman genuen, hilabeteetako planteamenduak abiaraziz, maila lokalean zein nazionalean. Bide honetan egindako ekimenak eta dinamikak, anitzak izan dira: aurpegi historikoen prentsaurrekoetatik hasita, ikasle egun lokalak, gure herrietako militante ohiei elkarrizketak eta esperientzia trukaketen grabaketa besteak beste. Ibilbide guzti hau borobiltzeko, Azaroaren 16an Donostian Azken Ikasle Dantza jaialdia ospatzea erabaki genuen. Ibilbide honi egotzitako helburu politikoak bete direla badakigun arren, bukaerako ospakizun festak izan duen jarraipen eskasa medio, Azken Ikasle Dantza koste ekonomiko handidun ekitaldia denez eta antolakundearen jarduera politikoa gauzatzeko ez zaigunez bideragarri jaialdia bertan behera uztea erabaki dugu. Argazkian, IAko kideek atzo egindako agerraldia, tartean Mikel Moreno algortarra zela / © Azken Ikasle Dantza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun