Ostiral honetan ere ez dute Iñaki Gonzalo preso itzubaltzetarra askatzea eztabaidatuko
197/2006 doktrina edo "Parot doktrina" deritzotena aplikatu zieten beste 12 euskal preso politiko askatzea aztertuko du ostiral honetan, hilak 15, Espainiako Auzitegi Nazionaleko Zigor Aretoak. Iñaki Gonzalo Casal "Kitxu" itzubaltzetarra, ordea, ez dago horien artean. Europa Press albiste agentziak iturri judizialak aipatuz aurreratu duenez, ondokoak dira horien izenak: José Antonio López Ruiz "Kubati", Inmaculada Noble Goikoetxea, Francisco Javier Lujambio Galdeano, Jesús Díaz de Heredia Ruiz de Arbulo, Pedro Juan Odraizola Aguirre, Juan María Gabirondo Agote, Pedro María Rezabal Zurutuza, Miguel Turrientes Ramírez, José Félix Zabarte Jainaga, María Josefa Urkudun Etxenagustia, Antonio Alza Hernández eta Gonzalo Rodríguez Cordero. Baita Portugaleten jaiotako Laureano Ortega Ortega eta Olga Oliveira Alonso GRAPOko kideak ere. Argazkian, Iñaki Gonzalo Casal "Kitxu" presoaren askatasuna aldarrikatu zuten itzubaltzetarrek apirilaren 27an egindako agerraldian.
Urriaren 21ean Europako Giza Eskubideen Auzitegiak bere erabakia plazaratu zuenetik 11 euskal preso politiko askatzea erabaki du Auzitegi Nazionalak: Inés del Río Prada, Antonio Troitiño Arranz, Juan Manuel Piriz López, Jon Koldo Aguinagalde Urrestarazu, Luis María Azkargorta Belategi, Isidro María Garalde Bedialauneta, Jokin Mirena Sancho, José Ignacio Urdiain Ciriza, Joseba Koldobika Artola, Elías Fernández Castañares eta Juan Francisco Gómez López.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun