"Gaur Euskal Herriko demokraziarentzat egun tristea dela uste dugu, eta berriz ere, Auzitegi Nazionalak erabaki duela zer den eta zer ez den herritarrek irakurri behar dutena, espainiar inkisizioaren estiloa jarraituz. Gure aldetik, eraso antidemokratiko honi aurre egiteko asmoa erakusten dugu, gure esku dugun arma bakarrarekin: adierazpen askatasunaren erabilera", adierazi dute.
Ateak Ireki makina bat kazetari nafarrek jarri zuten abian, Espainiako Auzitegi Nazionalak zerratu zuen Apurtu.org-ek utzitako hutsune informatiboa betetzeko. Besteak beste, "Diario de Noticias", "Berria", "Gara", Eguzki Bideoak, Bierrik edota EITBko profesionalek lagundu zuten komunikabide jaio berria orain bi urte. Denbora tarte honetan, honakoak izan dira Ateak Irekiren kazetaritza lehentasunak: "Nafarroan ematen diren eskubide zibil eta politikoen urraketa salatzea, nafarren eskubideen defentsan egiten dituzten elkarteei ahotsa ematea, herri mugimenduaren jardueraren berri ematea, Nafarroan aldaketa politiko eta sozialaren alde egiten dituzten indarrei hauspoa ematea, aniztasuna landuz eta zainduz".
Gogoratu behar da ez dela lehen aldia Espainiako Gobernuak Euskal Herriko komunikabideak ixten duena: aurretik, besteak beste, "Egin", Egin Irratia, "Berria", "Ardi Beltza", Apurtu.org eta Gaztesarea ditugu. Azken horren harira, Iker Acero Algortako surflari ezaguna eta beste hiru lagun atxilotu eta beste bederatzi pertsona auziperatu zituzten 2009an, Segiren zozketa baten bideo emateagatik. Azkenean, Arkaitz Artola gaztea besterik ez zuten epaitu eta absolbitu ere.
Ateak Ireki Nafarroako komunikabide digital herrikoia ixteko agindu du Espainiako Auzitegi Nazionalak, Herrira mugimenduarekin lotura duelakoan, Guardia Zibilaren txosten batean oinarrituta. Webgunea bera izan da albistearen berri eman duena. Eta dagoeneko, hainbat telekomunikazio zerbitzuen bidez, ez dago horretan sartzerik. Ateak Irekiko kideek adierazi dutenez, Auzitegi Nazionalak autoa publiko egin du, non telekomunikazio alorrean aritzen diren hainbat enpresari eskatzen zaien Ateak Irekiri sarbidea ukatzeko, baita sare sozialetan dauzkaten kontuak eta beren webgunea ixteko ere. Halere, epaiaren aurka helegitea jartzeko aukera badago. Bitartean, adierazpen eta informazio askatasunen kontrako erasoa izan dela salatu dute Ateak Irekiko kideek. Gogora ekarri dute Nafarroako dozenaka kazetariren ekimenez sortu zela webgunea, Auzitegi Nazionalak Apurtu.org atariaren aurka egin ondoren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun