Baina, hori al da aditu talde batek egindako azterketatik atzemandako gabezietatik hartutako neurria?
Ezaguna da Itzubaltzeta-Romoko auzokideek azken urtean Auzo Elkartea berpiztuta egindako lana eta plazaratutako aldarrikapenak. Horien artean Kultur Etxearen gaineko kexak: tamaina, barne hartuko dituen azpiegiturak, kudeaketa... eta gehien azpimarratu dutena auzokide eta auzo eragileekin adostutako proiektua ez izatea.
EHBildutik herritarrek eta auzoek udal jardunean parte hartzeko aukera izan behar dutela uste dugu, baina argi daukagu parte hartzea proposamenak jasotzetik askoz haratago doan zerbait dela. Partaidetza boterea konpartitzea da, informatzea edo galdetzea baina askoz gehiago. Erabaki guneetan egoteko aukera eman behar diegu herritarrei, batez ere herriaren etorkizuna baldintzatuko duten erabakietan: kultur azpiegitura erraldoiak, lurralde antolamendua... Eta udalaren erabakigune normalduetan (Osoko Bilkura, Komisioak, Erakunde Autonomoak,...) hiritarren beraien parte-hartze normaldua lege mailara eraman Udal Erregelamendu Organikoaren (UEOren) baitan sartuz, parte-hartzearen kultura bultzatuz eta herritarrak horretan heziz.
Getxo gobernatzen duen EAJren parte hartze eredua horretatik oso urrun dagoela argi ikusi dugu; behin eta berriz erakutsi digute beraien eredua: gauzak etxe barruan sukaldatu eta kanpaina politak erabilita informatzen dutela esatea baino ez. Oposizioko taldeei udal teknikariekin hitz egiteko bideak itxi, proiektu handietan herriari galdetzeko jarrera eza, herritarrei parte hartze bideak ixten dizkion UEO zaharkitua eta abar, etxe honen zimenduetan Getxoko Udala EAJren gotorleku itxia dela erakusten duten hainbat adibide ditugu. Ez dezagun teilatua margotu, oinarriak jarri gabe ditugunean.
Getxoko EH Bildu
Getxoko EH Bildu: "Auzoz-auzo, parte hartzea eta Getxoko Gobernuaren koherentzia"
Aditu talde batek herritarrek duten parte hartze bideen ustezko azterketa bat egin eta ondorioak plazaratu berri ditu Getxoko Udalak. Ustezko esaten dugu, horretaz arduratu den Josu Loroño zinegotziari birritan galdetu badiogu ere, informazio eskasa eman baitigu. Beste behin ere, komunikabideetatik jakin izan dugu azterketa amaitu dela eta hartu beharreko neurriak zeintzuk diren. Hemen lehen koherentzia falta: nola izan liteke udal jardun eta erabakietan parte hartzeko dauden bideez azterketa sakona egitea eta herritarren ordezkari ere bagaren oposizioko taldeek horren berri komunikabideen bidez izatea? Prozesu honen guztiaren erroan koherentzia eza aurkitzen dugu, baita ondorioetan ere, ez dira neurri kafkianoak falta. Komunikabideetan irakurri ahal izan dugunaren arabera, Auzoz-Auzo dinamika berpizteko beharra izan da azterketatik ateratako ondorio nagusietako bat. Horreri ekin diote eta Itzubaltzeta-Romo jarri dute lehen geltokitzat, udal web gunean txoko bat zabaltzearekin batera. EH Bildutik egoki ikusten dugu herriko auzo ezberdinen gabeziak edo proposamenak biltzeko auzoetara hurbiltzea; are gehiago, askotan kritikatu izan dugu Udal honek duen zentralizazio joerak egoera eta behar oso ezberdinak dituzten auzoen bizitza baztertzen duela. Guk ere Auzoka dinamika jarri genuen martxan joan den ikasturtean eta Itzubaltzetan-Romon bertan auzokideek dituzten eskaerak ezagutu ahal izan genituen lehen eskutik. Argazkian, azaroaren 5ean aurkeztu zuen egitasmoa Imanol Landa alkateak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun