Auzitegi Nazionalak arratsaldera aurreratu du beste 12 euskal presoren gaineko erabakia
Fernando Grande-Marlaska Espainiako Auzitegi Nazionaleko Zigor Aretoko presidenteak gaur arratsaldera (16:00etara) aurreratu du bihar goizean egitekoa zen batzarra. Aipatu aretoko osokoa osatzen dute 17 magistratuek 197/2006 doktrina edo "Parot doktrina" deritzotena aplikatuta espetxealdia luzatu zitzaien 12 euskal preso politiko askatzeko erabakia daukate eskuartean. Horiek dira: José Antonio López Ruiz "Kubati", Inmaculada Noble Goikoetxea, Francisco Javier Lujambio Galdeano, Jesús Díaz de Heredia Ruiz de Arbulo, Pedro Juan Odraizola Aguirre, Juan María Gabirondo Agote, Pedro María Rezabal Zurutuza, Miguel Turrientes Ramírez, José Félix Zabarte Jainaga, María Josefa Urkudun Etxenagustia, Antonio Alza Hernández eta Gonzalo Rodríguez Cordero. Horretaz gain, Olga Oliveira Alonso GRAPOko kidea ere askatu ala ez erabakiko dute. Argazkian, maiatzaren 4ean Iñaki Gonzalo Casal "Kitxu" preso politiko itzubaltzetarra zen kalera ateratzekoa, 197/2006 doktrina aplikatu aurretik / cc-by Algortako Herrira.
Urriaren 21ean Europako Giza Eskubideen Auzitegiak bere erabakia plazaratu zuenetik 11 euskal preso politiko askatzea erabaki du Auzitegi Nazionalak: Inés del Río Prada, Antonio Troitiño Arranz, Juan Manuel Piriz López, Jon Koldo Aguinagalde Urrestarazu, Luis María Azkargorta Belategi, Isidro María Garalde Bedialauneta, Jokin Mirena Sancho, José Ignacio Urdiain Ciriza, Joseba Koldobika Artola, Elías Fernández Castañares eta Juan Francisco Gómez López.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun