Asier Abio zuzendari mungiarraren "Bariku Light" film labur odoltsuak zinema eta film laburren festibaletatik biran jarraitzen du, sariak etxeratzen. Patxi Lazkano, Aizkoa Olabarrieta eta Nadia Bolaños, hurrenez hurren Urduliz, Erandio eta Itzubaltzeta / Romoko aktoreak protagonista dituen filmak What The Fuck (Ze arraio) saria jaso berri du AEBko Atlantako Buried Alive Festival-en (Bizirik lurperatutakoen jaialdia). Era berean, pasa den irailean Uruguaiko Montevideo Fantastico delako jaialdian sari nagusia eskuratu zuten. Bitartean, baina, Youtube bideoetarako guneak filma zentsuratu zuen, eduki "ez egokia" zelakoan. Egileek Vimeo plataformara lekuz aldatu zuten.
BARIKU LIGHT from EL MONSTRUITO on Vimeo.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
