Leioako Artedrama konpainia, Dejabu Panpin Laborategia eta Le Petit Théâtre de Painaldee antzerki taldeak berriz interpretatuko duten klasikoaren intrigak Xabier Mendigurenen moldaketa oinarrituta dago. Horri, gaur egungo gizartearen ardurak, arazoak eta ezaugarriak gehitzen zaizkio.
Ander Lipus, Ainara Gurrutxaga, Manex Fuchs, Maika Etxekopar, Iñaki Ziarrusta, Miren Tirapu eta Urko Redondok jarriko dute eszenatokian “Hamlet”, lehen aldiz osorik euskaraz, Ximun Fuchsen zuzendaritzapean, Leioan. Sarrera 10 eurotan eros daiteke.
Artedrama, berriz elkartzen da Dejabu Panpin Laborategia eta Le Petit Théâtre de Pain taldeekin, “Errautsak” ikuskizunak izandako arrakastaren ostean. Aukera aparta euskarazko antzerkia ikusteko, eta zehazki, inoizko obra handienetariko bat: “Hamlet”. Hitzordu garrantzitsua da, gainera, Kultur Leioako antzerki apustua gertutik ezagutzeko.
"Hamlet"-en aurrerakin bideoa (© Artedrama)
William Shakespeareren maisulanik garrantzitsuentzat jotzen ohi da "Hamlet" antzezlana. Tragedia klasiko horrek Danimarkako Gortearen "ustel usaina" salatzen bazuen ere ingelesez mintzo hasi zen, Klaudioren heriotzagatik mendeku hartzea lau haizetara zabaldu aurretik. Egun, milaka hizkuntzatan entzun daiteke "Izan ala ez izan" esaldiarekin hasten den munduko bakarrizketarik famatuena. Euskaraz, halere, mendeak joan eta mendeak etorri Hamlet mutu zebilen. Bingen Ametzagak 1952an, Bedita Larrakoetxeak 1976an eta Juan Garziak 2002an, irakurgai jarri zuten. Ttantaka konpainiak "Shakespeare osoa (gutxi gora behera)" antzezlanaren bidez taularatu zuten 1997an, umore eta heterodoxia guztiz, kronometratu zitekeen obran. Bihar, Leioako Auditoriumean, Yorick-en burezurrak bigarrenez entzungo du euskara Danimarkako printzearen mingainean, 20:30ean. Baina kasu honetan, Hamletek XXI. mendean eta Euskal Herrian biziko du mendeku istorioa. Argazkian, Ander Lipus da Hamlet / © Amaia Jorajuria & Guillaume Meziat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun