Ostiralera helduta, formazioa izango dute hizpide. Auto gestio tailerrak egingo dituzte hainbat adinetako neska-mutilentzat, udaletxe plazan. 17:30ean, umeekin jostailuak eta paper birziklatuzko objektuak sortuko dituzte. 18:30ean, toki berean, pankartak, graffitiak eta oinarrizko elektrizitate lanak irakatsiko dizkiete gazteei.
Azkenik, larunbatean, egun nagusia izango da. Goizeko 11etatik aurrera, gazte azoka izango da udaletxe plazan, gaztetxeak duen baliabide anitzek alaituta. Gauzak horrela, eskalada murruaz, slack-linez, roller delakoaz eta txalapartaz gozatu ahal izango da, azoka bitartean. Herri bazkaria arratsaldeko 3etarako iragarri dute, ondoren bazkalostea izango da, Norkdaki ekimena dela medio. 18:00etan, gazte bertso triki-kalejira jarriko da martxan herriko tabernetatik, 21:00ak aldera gaztetxera heltzeko. Bertan, Mandoilek eta isiltasunean mantendu duten ezusteko talde batek emango dute kontzertua, urtebetetze ekitaldia burutuko da eta gaua irekitzeko 3gabe2 erromeria taldea arituko da.
Gaztetxearen sorrera
2011ko urriaren 23an aurkeztu zuten zentro sozial autogestionatu berria Altzagako Jose Luis Goioaga kaleko 11. zenbakiko Faro enpresa ohian. Hurrengo egunean, dozena bat udaltzainek epaile agindurik gabe atea bortxatu, sartu eta barruko materiala bahitu zuten. Gaztetxea itxi bitartean, kanpoan hiru gazte identifikatu zituzten, gerora epaitegian salatu zituztenak. 48 orduren bueltan, gazteek Kalezulo zabaldu zuten berriro. Handik hilabete batzuetara, auzia artxibatu zuen epaileak. Kalezulo gaztetxea aurkezteko prentsaurrekoa otsailaren 15ean egin zuten.
Bi urteen laburpena argazkitan (© Kalezulo gaztetxea)
Bi urte egin du jada Kalezulo gaztetxeak. Gauzak horrela, atzo hasi eta larunbatera arte egitarau oparoa antolatu du Erandioko Gazte Asanbladak (EGA), "2 urtez horma hutsak iraultzen!" lelopean. Atzokoan, Salhaketa elkarteak atxilotua izanez gero zelan jokatu azaltzeko hitzaldia eman zuen. Gaurkoan, ordea, okupazioa izango dute ardatz. Arratsaldeko 6etatik aurrera, hainbat adibide islatzen duen argazki erakusketa ikusgai izango da gaztetxean. Ordu bat beranduago, "Okupazio esperientzia anitz" mahai-inguruan arituko dira, Kalezulon bertan, Berangon okupatutako ortuen, Bilboko Okupazio Bulegoaren, Bilboko La Maison squat-en, Larrabetzuko baserri okupatu baten, Nafarroako Lakabe herri okupatuaren eta Gasteizko Errekaleor 26 eraikin autogestionatuaren kideak. Hori bukatu eta, 21:00ak aldera, Meren kantautoreak joko du. Argazkian, orain bi urte okupatu eta berehala, Erandioko Gazte Asanbladak egindako aurkezpena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun