Irakasleen Eskolako 1S14G ikasgelan, Eusko Jaurlaritzako Hezikidetzako Plan Estrategikoaren aurkezpena egingo dute 11:30ean, Luisa Mari Puertasen eskutik. Ordu erdi beranduago, “Espejismo de ascenso” ikerketa aurkeztuko du Esther Oliver CREA taldeko kideak. Bi ekitaldien aurretik eta ondoren, Eskolako ikasleen emanaldia izango da. Bestalde, Hego Amerikako eta Estatuko erakunde feministek antolatutako sentsibilizazio eta salaketa kanpainetan erabili diren kartelen eta lemen erakusketa dago eskolan. Hautaketak indarkeria matxista mota ezberdinen forma eta espazio aniztasuna ikustarazten du, gaur egun gutxien ezagutzen diren horiei lehentasuna emanez. Era berean indarkeria egoera horiei aurre egiteko zenbait estrategia azaltzen dira.
Zientzia eta Teknologia Fakultateko sarrera nagusian, berriz, "26 Horma-irudi 2013ko azaroaren 25erako" erakusketa dago. Sorkuntza eta Diseinuko graduko ikasleek egin dituzte kartelak, eta erakusketa Zientzia eta Teknologia Fakultateko Berdintasunerako Batzordearen eta Arte Ederren Fakultatearen arteko lankidetzaren emaitza da, Marrazketa Saileko Ana María Sainz Gil irakaslearen bidez.
Biharko, azaroak 25, Emakumeenganako Indarkeriaren Aurkako Nazioarteko Eguna aldarrikatzeko hainbat erakusketa eta hitzaldi antolatu ditu EHUk, Leioa eta Erandioko campusean. 1981eko uztailean Bogotan egin zen Latinoamerikako lehenengo topaketa feministan aukeratu zen azaroaren 25a emakumeenganako indarkeriaren aurkako nazioarteko egun. Topaketa hartan, emakumeek gizarteko eremu guztietan genero indarkeria, etxeko tratu txarrak eta hilketak, bortxaketak, sexu jazarpena eta indarkeria oro har jasan behar izaten zituztela salatu zen, baita emakumezko preso politikoek tortura eta abusuak pairatzen zituztela ere. Egun hori Minerva, Patria eta Maria Teresa Mirabal ahizpak gogoratzeko aukeratu zen, 1960an Dominikar Errepublikan Trujillo diktadorearen Polizia Sekretuaren eskutan hildako hiru aktibista. 1999an, NBEk ofizial bihurtu zuen data hori: Emakumeenganako Indarkeriaren Aurkako Nazioarteko Eguna. Aurten, Leioa eta Erandioko campusean ekitaldi batzuk antolatu dira egun horretarako, bai Irakasleen Eskolan eta baita Zientzia eta Teknologia Fakultatean ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun