Besteak beste, ondokoa zioen Etxerat elkartearen ekimenez Arrasateko Bilduk eta EAJk babestutako mozioa: "Bilduk eta EAJ-PNVk bat egiten dute preso politikoen eta euren senideen eskaerekin: Mugagabeko isolamendua amaitzea, euskal preso politikoak bateratzea, oinarrizko eskubideak errespetatze eta etengabeko erasoekin amaitzea".
Getxo udalerriko gainontzeko eragile eta norbanakoak aipatu mozioari atxikimendua ematera deitu ditu Algortako Etxeratek, horretarako algortatantaztanta[abildua]gmail.com helbide elektronikoa baliatuz. Baita mobilizazioetan parte hartzera ere. Astelehenetik ostegunera, 20:00etan jarri dute hitzordua, Algorta Etorbidea eta Telletxe arteko bidegurutzean. Hileko azken ostiraleko elkarretaratzean, berriz, Sevilla II espetxeko egoera salatuko dute Algortan, 20:00etan, Telletxe plazan.
Urgentziazko plenoa egin zuten ostiral arratsaldean Arrasaten, Bilduk eta EAJk aurkeztutako mozioa aztertzeko eta onartzeko, Mondraberri.com agerkari digitalak zabaldu zuenez. Mozioak bat egiten zuen Txus Goikoetxea Garralda arrasatearra eta Sevilla II espetxeko euskal preso politikoen borrokarekin. Gaur 29. eguna dute gose greban zein itxialdian, tartean Urtzi Paul Larrea getxoztarra dela. Eta gaurkoan ere argi geratu da egoeraren larritasuna: Azkorriko lagunak eta Garikoitz Etxeberria Goikoetxea lizartzarrak egin bezala, Asier Arzalluz Goñi preso donostiarrak baraualdia utzi behar izan du osasun arazoengatik, Etxerat elkarteak jakinarazi duenez. Sevilla IIko gatibuen aldeko mozioa astearte honetako ohiko osoko bilkuran (17:00etan) aztertuko du Getxoko Udalbatzarrak, Bilduk aurkeztuta. Biharko bozketan gainontzeko alderdi politikoen jarrera ezagutu artean, eragile ugarik adierazi diote atxikimendua idatziari. Argazkian, 145 lagunek eta 21 eragilek egin zuten agerraldia ostiralean Algortan / cc-by Tantaz Tanta Algorta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun