Abenduaren 23an, ordea, gaztainak erreak banatuko dituzte, doan. Gabon bezperatik Erregeen eguneraino, poltsa berrerabilgarriak oparituko dizkiete bezeroei, ingurumena zaintzeko asmoz. Azkenik, abenduaren 12tik urtarrilaren 6ra, guztira 10.000 euroko balioa duten deskontu bonoen zozketa egingo dute, sari txikien bidez.
Gaurko ekimenean parte hartu duten hainbat denda argazkitan
Leioako dendariek eta ostalariek kanpaina bitxiari zein ikusgarriari ekin diote gaur eta bihar. 200 bat saltokik erakusleihoak beltzez estali eta honako gonbita pausatu diete auzokideei: "imajina ezazu". Izan ere, Leioa bere denda eta tabernarik gabe askoz ilunagoa izango zela irudikatu nahi izan dute. Horregatik, Leioa "herri bizia" izan dadin, erosketan bertan eginez "merkataritza bizirik" mantentzera deitu dituzte leioaztarrak, Gabonetako kanpainaren aurretik. Iaz, EAEko denda txikien salmentek %6,5eko jaitsiera bizi izan zuten, 654 dendak ixtea beste erremediorik ez zutela topatu. Gauzak horrela, sektore horretan lanpostuen %4a galdu zen. halere, Leioako dendariek ez dira etorkizun beltza irudikatzera mugatu eta bezero fidelak saritzeko hainbat ekimen piztu dituzte. Leioako Merkatarien Elkarteak hainbat deskontu bono kaleratuko ditu ostegunetik abenduaren 3ra. Guztira, 400 euroko balioa dituzten deskontu txartelak banatuko dituzte. Abenduaren 16an eta 17an, elkarteko merkatariek Gabonetako izei bana jasoko dute, udalerriko ikastetxeetako neska-mutilek sortutako postalek apainduak. Argazkian, andra bat gaur abiatutako merkataritza kanpaina beltzaren ikurrari so.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun