Azkenik, aipatu gabe bada ere, Hasier Arraiz Sorturen presidenteak orain aste batzuk egindako adierazpenei erreferentzia egin dizkio Urquijok: "ezker abertzale deritzotena ez omen du irentsi omenaldiak egin ez daitezen jaso ei dituen aginduak". Bere ustean, "ETA babesten duten marka guztiek beraien iraganari uko egiteko gauza iza ez eta gainera eroso sentitzen dira".
Zulueta
Pagoa Zulueta Vazquez preso politiko leioaztarra igande goizeko 9:45ak aldera atera zen Darocako (Zaragoza) espetxetik, kanpoan gertukoak zain zituela. Leioara helduta, 100 bat senide, lagun eta auzokidek hainbat musu eta besarkadaz Plaza Gorrian hartu eta lore sorta bat oparitu zioten. Bertso pare bat, aurreskua eta hitz batzuk ere dedikatu zizkioten, Zuluetak bere argazkia batu aurretik.
Leioaztarra 2005eko otsailaren 9an atxilotu zuten beste 13 herritarrekin batera, "badaezpadako" sarekadan. Atxilotu eta lau egun beranduago, fiskalak eskatuta, Baltasar Garzon epaileak Zulueta espetxeratu zuen. Atxilotu guztiek, Espainiako Polizi Nazionalaren eskuetan inkomunikatuak izan ondoren, torturak salatu zituzten. Ia bi urte espetxeratuta egon ondoren, 2007ko urtarrilaren 24an atera zuten leioaztarra Aranjuezen dagoen Madril VI espetxetik, 12.000 euroko fidantza ordaindu eta gero. 2009ko azaroaren 11n, ordea, berriro espetxeratu zuten. 2009ko uztailaren 10ean kaleratutako epaian ETAri laguntza eman izana leporatu zion Espainiako Auzitegi Nazionalak Zuluetari, sei urteko espetxe zigorra ezarriz.
Carlos Urquijok, Espainiako Gobernuak EAEn duen ordezkariak, Espainiako Auzitegi Nazionaleko Fiskaltzaren aurrean salatu zuen atzo igandean Pagoa Zulueta Vazquez preso irten berriari Leioan egindako harrera. Idazkia filtratu duen "El Correo Español"-en arabera, Urquijok salatu du "ETAko preso bati omenaldia" egin eta "ongi etorria" eman ziotela. Delegatuak egindako salaketaren arabera, Leioako ekimena 16:30ak eta 16:50ak bitartean burutu zen, "ikurrina asko zeramaten 40 pertsonak" parte hartu zutela. Tokian,"Zuluetaren argazkia eta 'Ongi etorri, Pagoa' leloa zeukan pankartatzarra" zabaldu zuten, baina bertaratutakoek ez zuten kontsignarik oihukatu, bertsio horren arabera. Delegatuaren ustez, Leioako ekitaldiak Terrorismoaren Biktimei Aitorpena eta Erreparazioa Egiteko Legea urratu eta delitua izan liteke. Horren inguruan, Gobernuaren Ordezkaritzatik agindu zuten "zelatan jarraituko" dutela "terroristak goresteko eta biktimak umiliatzeko ekimenak egin ez daitezen". Bestalde, Donostian iganderako antolatuta dagoen Sevilla II espetxeko presoen aldeko manifestazioa ilegalizatzea ere eskatu du gaur Urquijok. Argazkian, Pagoa Zulueta pasa den igandean, ukabila jasoz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun