Surfing Euskadi
Basque Tour turismoaren euskal agentziaren arabera, Surfing Euskadi "euskal kostaldera itsasoaz gozatzera etortzen direnentzako pentsatua dagoen produktu turistikoa da, surfa egitearen inguruko esperientzietan espezializatutako aisialdirako gune turistiko batean produktu hori eskaintzeko pentsatua". Ekimen horren xedea euskal kostaldean surfaren turismoa "ahalik eta segurtasun, erosotasun, profesionaltasun eta garbitasun handiena eskainiz garatzea eta sustatzea da" eta, aldi berean, surfaren inguruko esperientzia turistikoetan "ahalik eta aukera zabalena eskainiz". Horretarako, EAEko "surf-turismoaren eredu berriaren etorkizuneko oinarriak finkatu behar dira, sektore publikoarentzat eta pribatuarentzat surfaren turismoari lotutako erreferentzia-marko bat ezarrita eta Euskadin etorkizunean izango den surfaren inguruko turismo politikaren helburuak eta gidalerroak zehaztuta eta antolatuta".
Basque Tourrek finkatutako helburuak:
• Euskadi turismogune gisa surfaren alde eginez bereiztea, hainbat turismo zerbitzurekin osatzea eta surfa egiteko lidertzat eta aitzindaritzat hartzen diren helmugen artean kokatzea.
• Euskadin egun dugun surf-eskaintza egituratzea.
• Beste herrialde batzuetako surf-eskaintzarekin alderatuta kalitatea elementu bereizgarri izango duen produktu bat izatea eta esperientzia ona eskaintzeko bermea izatea.
• Herri administrazioen eta Euskadiko surf-turismoaren arloko enpresen arteko lankidetzarako tresna izatea.
Leticia Canalesen surf saio bat (© Roberto Samper)
Leticia Canalesek “Surfing Euskadi” turismo ekimena aurkeztuko du bihar Madrilen
Leticia Canales Europako gazte kategoriako zein Euskadiko surf txapeldunorde sopeloztarrak “Surfing Euskadi” produktu turistikoa aurkeztuko du bihar, osteguna, Madrilgo arkitektoen kolegioan. Ekitaldia iluntzeko 8etan burutuko da, Basque Tour turismoaren euskal agentziak antolatuta. Bertan, besteak beste, Itziar Epalza Urkiaga Merkataritza eta Turismorako sailburuorde getxoztarrak eta Arantza Madariaga Aberasturi Basque Tourren zuzendari nagusiak parte hartuko dute. Canales Madeira uhartetik bueltatu berria da, bertan surf taula berriak probatzen aritu dela. Bakion eta Pontevedran eskuratutako Euskal Herriko eta Europako bigarren sariez gain, 18 urteko sopeloztarra 9. surflaria da mundu mailako emakume gazteen sailkapenean. Halere, etxean ere badu lana, "Sopelan kirolean ere euskaraz" ekimeneko partaidea dela. Argazkian, Leticia Canales / © Trickon.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun