Gure hitzetatik egin daitekeen edozein manipulazio eta erabilera salatu nahi dugu, argi utziz eta azpimarratuz errefusatu eta uko egiten diogula edozein pertsona eta alderdi politikoen parte hartzearen eta adierazpen askatasunaren aurka doan ekintza, eraso edo neurri orori. Halaber, tinko ukatzen dugu edonoren kontra burutzen den eskubide urratzea bere ideologia, jatorria eta egoera nolanahi izanda.
Horregatik arbuiatu egiten ditugu bai PPren Areetako egoitzaren kontra margoak jauziz izandako erasoak, baita Getxoko bizilaguna den Urtzi Paul Larreari eta Sevilla IIko presoei, besteak beste, burutzen ari zaizkien eskubideen urraketa.
Aipatu nahi genuke ez zaigula batere egoki iruditu PPren egoitzari egindako erasoen salaketaren kudeaketa. Horrelako gertaerak izan direnean Bozeramaile Batzordearen bitartez landu izan dira, horrez gain Osoko Bilkura hasi arte ez genuen ezer jakin, ez Gobernu Taldeak ez gainontzeko alderdirik ere, ez baitzigun gertaeren eta Alderdi Popularraren eskaeren berririk eman.
Getxoko EH Bildu
Getxoko EH Bildu: "Osoko bilkuran gertatutakoaren aurrean gure jarrera argitu nahi dugu"
Atzo, azaroko ohiko Osoko Bilkuran gertatutakoaren aurrean, Getxoko EH Bildu-tik azpimarratu eta argi utzi nahi dugu, koalizioa osatzen dugun guztiok eskubideen urraketa edo mehatxua suposa dezakeen edozein jokaera ukatzen dugula. Irmoki apustu egiten dugu pertsona ororen eskubideak bermatuko dituen eszenatoki baten eraikuntzagatik, zeinetan “inongo biolentzia eta inongo inposizio” printzipioa oinarritzat izanda, berdintasun aukeratik, herritarren atxikimendu libre eta demokratikotik eta eskubide guztien errespetutik, proiektu politiko oro garatu ahal izango den. Horiek horrela, atzoko (azaroaren 26) Osoko Bilkuran, bai Alderdi Popularrari bai Udalbatza osatzen duten gainontzeko alderdiei ere, transakzional modura aurkeztu genuen proposamen testuaren bidez hori bera adierazi genien. Argazkian, Maitane Nerekan koalizio soberanistaren udal taldeko bozeramailea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun