Azaroaren 28tik abenduaren 22ra bitartean, "Gogoko tokian aldaparik ez!" Laurita Siles Ceballos Algortako Portu Zaharrean bertokotu den Malagako artista gaztearen azken proiektua egongo da ikusgai Abian kultur elkartean. Hain zuzen ere, gaur aurkeztuko dute erakusketa, 20:00etan, Algortako Bidebarri kaleko egoitzan. Proiektu horren helburua 20 esaera zahar irudiz hornitzea da, azaldu dutenez. Bitartekoak honakoak izango dira: akuarela, koloretako margoak eta papera. Irudietan atsotitzek gordetzen duten herri-jakintzaren esangura adieraziko da, amaieran irudi horiekin guztiekin erakusketa bat egiteko asmoz. Gaur bertan esaera zaharren marrazkiak aurkeztuko dira asmakizun jolas baten bitartez. Izan ere, ikusleek erakusketan parte hartzeko aukera izango dute, marrazki bakoitzak zein esaera zaharrari erreferentzia egiten dion asmatuz. Aldi berean, edizio mugatua diren marrazki hauekin egindako postal-bilduma aurkeztuko da. Postalak Abian Kultur Elkartean, Getxokon eta Portu Zaharreko Txalupa dendan lor daitezke. Argazkian, Laura Silesek egin du Algortako Portu Zaharreko aurtengo jaietako kartela.
"Proiektua gustukoa izatea espero dugu; honen helburu nagusia herritarren artean esaera zaharren ezagutza eta erabilera bultzatzea izango da, ohiko posta eta eskuz egindako idazketa sustatzen den bitartean. Halaber, euskara eta distantzian bizi direnen arteko laguntasuna ere bultzatuko da", azaldu dute Abian kultur elkarteko kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun