Izan ere, Murtziakoa ez da horrelako lehenengo erasoa. Azken hilabeteetan areagotu dira euskal preso politikoen senideek pairatu dituzten erasoa beraien senide eta lagunei bisita egiten dietenean, batik bat Euskal Herritik oso urrun dauden kartzeletan; batez ere 197/2006 Legea edo Parot doktrina bezala ezaguna dena aplikatuta kondena luzatuta zeukaten euskal herritarrak libre geratzen hasi zirenetik. Egun batzuk lehenago, esaterako, Jose Antonio Lopez Ruizen abokatuak eta berarekin zeuden pertsonek gordinki erasotuak izan ziren Puerto I-eko (Cadiz) kartzela atarian, "bertan zeuden segurtasun-indarrek erasoa ekiditeko ezer egin ez zutelarik", Sopelako Udalak adierazi duenez.
Sopelako Udal Gobernuak plazaratutako prentsa oharra (pdf)
Murtziako kartzeletako senideek jasandako erasoa errefusatu du Sopelako Udalak
Murtziako kartzeletan dauden euskal preso politikoen senide eta lagunek erasoa pairatu zuten iragan den azaroaren 16an. Bisita egin eta gero autobian harriak bota zizkioten beraien furgonetari, Etxerat elkarteak salatu zuenez. Furgonetan Sopelako auzokide bat zihoan, Murtzia II kartzelan preso dagoen Urko Labeaga García sopeloztarraren hurbilekoa, tokiko iturriek zihurtatu dutenez. Hori dela eta, Sopelako Udal Gobernuak elkartasuna adierazi die Murtzia II-n dauden gatibuen senide eta lagunei, eta modu berezian Labeagaren senide eta lagunei, azaroaren 16an Euskal Herrira bueltatzen ari zirenean pairatu zuten erasoagatik, eta eraso hori errefusatu du. Horretaz gain, Espainiako Gobernuari eskatu dio sakabanaketa politikarekin amai dezan. Politikariei eta hedabideei, berriz, presoen eta euren senideen kontrako "lintxamendu-kanpainarekin" amai dezala eskatu die. Azkenik, Sopelako Udal Gobernuak Barne Ministerioa eta Murtzia II-ko kartzelaren Zuzendaritza (bertan dago preso Urko Labeaga) premiatu ditu beharrezkoak diren neurriak hartzera, presoen senideek azaroaren 16an pairatutako erasoa berriro errepika ez dadin. Argazkian, Urko Labeaga Sopelako preso politikoaren argazkia horma batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun