Gogoratu dutenez, joan den urteko omenaldiaren harira, Imanol Landa EAJko alkateari eskua luzatu zioten talde politiko guztien parte hartzea eta adostasuna lortuko zuen akordioa bilatzeko, gaur egungo Osoko Bilkuraren sentipena islatzen duena. Izan ere, 2009ko martxoko udal osoko bilkuran Getxoko Udalbatzak "terrorismoaren biktimei" omenaldia egitea adostu zuenean, EAJ, PP, PSE-EE eta Ezker Batua baino ez zeuden ordezkatuta aipatu erakundean, ezker abertzalearen ilegalizazioaren ostean. "Alkatetzatik 2012rako beranduegi zela baina 2013ra begira lanean hasteko aukera zegoela erantzun zitzaigun. Hala ere, ez dugu inolako saiakerarik ikusi eta berriz ere, Osoko Bilkuraren parte den EH Bildu taldea eta herri honen memoria historikoaren parte diren biktima batzuk baztertzen dituen omenaldia ospatuko da", azaldu du Getxoko EH Bilduk.
Amaitu dutenez, "Euskal Herria da urteetan luzatzen ari den gatazka honen biktima nagusia; horregatik EH Bilduko kideok Getxotik ere gatazkaren konponbide integralaren alde egiten saiatuko gara. Horretarako deia egiten diogu bai Osoko Bilkuraren parte diren talde politiko guztiei baita herriko eragile eta banakoei ere".
"Sufrimendu osoari erreparatuko ez zaion ekitaldian" ez duela parte hartuko jakinarazi du Getxoko EH Bilduk
Gaurko ekitaldian EAJk, PSE-EEk eta PPk “indarkeria terroristak” eragindako biktimak soilik omenduko dituela kritikatu du Getxoko EH Bilduk goizean goiz helarazitako prentsa oharrean. Hori dela eta, koalizio soberanistak ez du 11:00etan San Inazio plazan, udaletxe aurrean, egingo duten ekitaldian parte hartuko. "Argi daukagu ezinbestekoa dela indarkeria mota guztiek eragindako biktima guztiak aintzat hartzea (Estatu terrorismoa, indarkeria poliziala, ETAren indarkeria, eta abar). Getxon egingo den omenaldian, ordea, ez zaio biolentzia ezberdinek eragindako giza sufrimendu osoari erreparatuko", adierazi dute EH Bildukoek. "Ez Getxon ezta beste inon ere ez ditugu biktimen arteko kategorizazioak onartuko. Indarkeria guztiek eragindako kaltea aitortu behar da", gaineratu dutenez. Ildo horretan, jarrera inklusiboa eta ez baztertzailea duen eta indarkeria guztien isla den adierazpen edo ekimen baten alde lanean jarraituko dutela aipatu dute ezkertiar eta abertzaleek. Argazkian, EAJ, PP eta PSE-EEren udal ordezkari gehienak minutu bateko isilunea egiten orain bi urte San Inazio plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun