2014ko lehenengo lauhilekoko Ekogune ikastaroetan parte hartzeko izen-emate epea zabaldu berri du Uribe Kostako Zerbitzu Mankomunitateko Iraunkortasun Sailak. Mankomunitateko zazpi udaletako batean (Barrika, Berango, Gorliz, Lemoiz, Plentzia, Sopela edo Urduliz) erroldatuta dauden gizon emakumeek ondokoak lantzeko aukera izango dute: frutikultura ekologikoa, sukaldaritza hasiberrientzat, basa heskaien landaketa (praktikoa), xanpu eta xaboiak egin, bertoko zuhaitz eta zuhaixken landaketa (praktikoa), basa fruituen laborantza, landareen gaixotasunak identifikatzea, ongarri organikoak, eta haztategia egin. Izena emateko epea abenduaren 20ra arte zabalik egongo da. Horretarako, cursos[abildua]uribekosta.org helbide elektronikora edo 946 762 872 fax zenbakia erabili beharko dute interesdunek. Onartuen zerrenda hilaren 27an argitaratuko dute. Argazkian, inausketa kanpaina ere aspalditik abian du Mankomunitateak / © Barrikako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun