Urriaren 6ra arte egongo da Gabonetako argiztapena Getxo udalerrian, gaur arratsaldeko 6:30ean, Areetako Andres Larrazabal eta Paulino Mendibil kaleen arteko elkargunean ofizialki piztuko dena. Bertan, Imanol Landa alkatea eta udal ordezkariak egongo dira, Algortako San Nikolas Ikastolako 50. urteurrenaren batzordekideekin eta Getxo Enpresako ordezkariekin batera. Erromoko Kantariak taldeak alaituko du ekitaldia.Argiak igandetik ostegunera 18:00etatik 22:30ak arte, eta ostiraletan, larunbatetan eta jaiegun bezperatan 18:00etatik 24:00ak arte piztuta egongo dira. Laugarren urtez jarraian, Getxoko Udalak beregain hartuko ditu argien instalazio eta mantentze gastu guztiak, (100.000 euro alegia. Iazko kopuru berbera). Landak esan duenez “beste urte batez, gure laguntza eman nahi diogu tokiko merkataritzari Gabonetan udalerriaren dinamizazio ekonomikoa laguntze aldera”. Argazkian, orain bi urte, Gabonetako argiak pizteko ekitaldi ofiziala egin zuten Algortan Imanol Landa alkateak, Maite Ibarbengoechea Getxo Enpresako presidenteak eta Merkataritza Mahaiko kideek / © Getxoko Udala.
Merkataritzako guneetan On! apaindurez gain, eta aurrekoetan bezala, Udala leku publikoetan honako hauek ipintzen ari da: kontsumo txikiko 4.900 metro luzeko argi-hari mikro bonbilla edota LED (80,6 Kw.) argitxoekin eta beste 47 mikro bonbilladun apaingarri (12,8 Kw). Apaingarriak, Eduardo Coste kalea, Santa Ana plaza, Bizkaiko Zubiko plaza, Areetako etorbidea, Xake plaza, Ganeta plaza, Artaza biribilgunea, Asuako errepidea, Arriluze, Zugatzarte, Basagoiti, Amezti, Euskalerria kalea, Manuel Gainza parkea, Bidezabal, Ormaza biribilgunea, Oiarretxe, Maidagan, Andra Mari kiroldegia, Villaondoeta eta Salsidu kaleetako hainbat lekutan jartzen dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun