Ohikoa den bezala, aurten ere, hainbat ekitaldi antolatu ditu Euskal Herriko Unibertsitateak (EHU) abenduaren 3an, asteartean, Euskararen Nazioarteko Eguna ospatzeko. Egun osoan zehar, jai giroa izango da nagusi unibertsitateko hiru campusetan: dantza tailerrak, bertso bazkariak, patinaje ibilaldiak, bideo maratoiak, kontzertuak… Leioa eta Erandioko campusean, Irakasleen Eskolaren aurreladeko zelaian dagoen adar elektroakustikoaren soinuek orduro gogoratuko dute Euskararen Egunaren ospakizuna. Goizeko 8etatik eguerdiko ordu biak arte puntako orduetan entzun ahal izango dira adarraren soinuak. Bestalde, 12:30ean, dantza tailerra hasiko da Liburutegi Nagusiaren lehenengo solairuan, Aiko taldearen eskutik. Eta 14:00etan, bertso bazkaria egingo dute Leioako Ostalaritza Eskolako jantokian. Oier Aizpurua, Peru Vidal, Nerea Ibarzabal eta Imanol Uria bertsolariek jarriko dute saltsa eta pikantea. Gainera, egun berezi horretarako, Ostalaritza Eskolak menu berezia prestatuko du: euskal menua. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun