Parte-hartzaileak lehian arituko dira eskudirutan guztira 4.500 euroko zenbatekora iristen diren sariak irabazteko. Irabazleak 700 euro, manta eta garaikurra eskuratuko ditu. Bigarrenak 620 euro eta garaikurra lortuko ditu. Hirugarrenak, azkenik, 550 euro eta garaikurra irabaziko ditu. Gainerako parte-hartzaileek ere, hamargarrenera iritsi arte, sari ekonomikoa eskuratuko dute (baina garaikurrik ez); sarien zenbatekoak behera egingo du, sailkapenean lortzen duten tokiaren arabera. Hamargarrenetik aurrera, hauek baizik ez dute saria eskuratuko (270 euro): lehen sailkatutakoak egin duen markaren %70 lortzen dutenek.
Parte-hartzaile guztiak lehian arituko dira, 900 kiloko ohiko harriarekin. Ahalik eta urrutienera eraman beharko dute arrastaka. Mota honetako zaldi-probetan, distantzia iltzetan neurtzen da (probalekuaren neurrien arabera, iltze bat 22 edo 28 metro artekoa izan daiteke).
Probako sari bereziez gain, parte-hartzaileek puntuak eskuratuko dituzte Bizkaiko eta Euskadiko txapelketetarako.
Egutegia:
Osteguna, abenduaren 5a. 21:00etan.
Etxeberri (Itziar), Giñarregi Elkartea (Markina) eta Goieta taberna (Mungia).
Larunbata, abenduaren 7a. 21:00etan.
Maider Uriarte (Aulesti), Nabarniz jatetxea (Nabarniz), Larrinaga (Arratzu).
Astelehena, abenduaren 9a. 21:00etan.
Unai Aresti (Gatika), Taberna Barri (Mendexa) eta Ibarratz elkartea (Aulesti).
Asteartea, abenduaren 10a. 21:00etan.
Erauzkin (Mañu), Koba (Aulesti) eta Juan Martiartu (Aulesti).
Aurten ere Urdulizko kiroldegiko Iparralde probalekua elkargune bilakatuko da zaldien ehunka zalerentzat. Izan ere, abenduaren 5etik (osteguna) 10era (asteartea) bitartean, Urdulizko Udalak eta Bizkaiko Foru Aldundiak antolatutako zaldi-probak izango dira herrian. Hilaren 6an, ostiralean, eta 8an, igandean, ez da lehiaketarik izango, jaiegun hartu dituztelako. Hortaz, lau egunetan izango dira probak, hain zuzen ere, abenduaren 5ean, 7an, 9an eta 10ean, hau da, ostegunean, larunbatean, astelehenean eta asteartean. Probak 21:00etan hasiko dira egunero, Urdulizko probalekuan. Lehiaketa urtero egiten da Gabonak iritsi aurretik, eta lehen mailako dozena bat parte-hartzaile izaten da. Haietako batzuk Bizkaiko zaldirik onenen artean daude sailkatuta, adituen arabera, udal iturriek nabarmendu dutenez. Argazkian, zaldi-probak Urdulizko probalekuan / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun