Ordu berean hiru batzar deitu ditu asteazken honetan, abenduak 4, Alderdi Popularrak; hurrenez hurren, Itzubaltzeta / Romo-Areeta, Algorta eta Getxoko auzokideei zuzenduak. Horrenbestez, 19:30ean izango dira hitzorduak Getxoko PPren Zugatzarte Etorbideko egoitzan, Villamonteko kultur etxean eta Andra Mari kiroldegian. "Auzotarren iradokizunak lehen eskutik ezagutzeko antolatu ditugu bilkurak eta, batez ere, beraien proposamenak guregain hartzeko", azaldu du Marisa Arrue popularren bozeramaileak. Gaineratu duenez, "bizilagunak batzar hauetara etor daitezen eta beraien beharrak konta diezazkiguten nahi dugu, guk aipatu gaiak sakonean jorratu eta beraien kexuak Gobernu Taldeari helarazi ahal izateko; orain arte ez baitituzte kontuan hartu". Argazkian, Marisa Arrue Getxoko PPren bozeramailea, prentsaurreko baten artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun