Bertaratuko diren kirolarien artean honako hauek ditugu: Donato Larretxea, Julen Mendieta, Angel Arrospide, Ernesto Ezpeleta ‘Biurri’, Aitzol Atutxa eta Jesus Gisasola ‘Zelai II’ aizkolariak; horiekin batera Julen Larrea eta Loritz Gisasola gazteak ere. Bestalde, Goenatxo aita-semeak, Iñaki Perurena, ‘Izeta II’, ‘Zelai luze’, ‘Urdas’, Inahar eta Jon Gisasola harri-jasotzaileak; Julian eta Armando Larrea, Santos Intxaurbe eta Erleaga trontzalariak. Eta, gizon probetan, Iñigo Aurrekoetxea, Aitor eta Gorka de la Concepcion eta Bernardo Ureta ‘Urpe’. Jon Enbeita eta Ireneo Ajuria bertsolariek ere parte hartuko dute ekitaldian.
Egunari amaiera emateko bazkaria egingo dute Fadurako garagardotegian. Horretan parte hartzeko interesa duen orok aldez aurretik erreserba egin beharko du 605 712 309 telefono zenbakian.
Profila
Algortarra 2013ko urtarrilaren 5ean zendu zen Basurtuko ospitalean, 71 urte zituela. Islari burmuineko ebakuntza egin behar izan zioten tumore bat kentzeko, baina ezin izan zuen ebakuntza gainditu eta hil zen. Jose Ignacio Isla Lombera Turtziozen jaio arren, oso gazte zela Algortara joan zen familiarekin. Bertan ibilbide profesional osoa garatu zuen.
Isla Bizkaiko herri kirolen federazioko presidentea izan zen 1984tik zendu zen arte. Politikan, jeltzalea zen eta EAJrekin 1987tik 1995era Getxoko zinegotzia izateaz gain, alderdiko ertzaina ere izan zen. Gainera, Sabino Arana Fundazioak antolatutako jaialdietan bere ekarpena egiten ohi zuen. Politika eta kirol munduetan ezezik, Isla oso ezaguna zen harakinen sendikoa eta baita ogibidez harakina izateagatik. Lucia Lombera Angulo eta Florencio Islaren semea, Algortako azokan, Gurugu tabernaren aurrean, Itzubaltzeta / Romoko Ibaiondo kalean eta Getxon jarritako harategiak ezagutu zituen Islak.
Jose Ignacio Isla Lombera Kulturarako Getxoko zinegotzi ohia eta Bizkaiko Herri Kirol Federakundeko presidente zenari omenaldia egingo dio azken erakunde horrek larunbatean, goizeko 11:30ean, Getxoko Andra Mari probalekuan. Izan ere, urtarrilaren 5ean beteko den Islaren heriotzaren lehenengo urteurrenaren atarian, kirolari eta lagunek Jose Ignaciok Herri Kirolak laguntzeko eta sustatzeko egindako ibilbide luzea gogoratuko dute egunean zehar. Ekitaldia 11:30ean hasiko da bereziki egun horretan bilduko diren Euskal Herriko, Kanarietako eta Asturiasko kirolariei egingo zaien harrerarekin. Eguerdian, Islaren irudia duen bustoa inauguratuko da eta ondoren, aizkolarien, harri-jasotzaileen, trontzalarien eta gizon proben erakustaldiak izango dira. Argazkian, eskuinean, Jose Ignacio Isla Lombera pasa den irailaren 8an Algortako batzokian egin zen Zazpi Herrialdeen Arteko Txapelketan, bere azken agerpen publikoetariko bat / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun