Espainiako 1978ko Konstituzioaren onarpenaren urteurrena ezezik, abenduaren 6an San Nikolas eguna ere denez, ostiral honetarako, hainbat ekitaldi antolatu ditu Portuzarra auzotarren elkarteak. Horrenbestez, bihar, 12:30ean Javier Camporen "Ermita del Puerto Viejo" liburuaren aurkezpena egingo dute, Algortako aipatu txakoko Etxetxun, hau da, antzina baseliza zegoen tokian. 13:30ean, berriz, kaxarranka dantzatu eta kalejira egingo du Itxartu Taldeak. Hala ere, aurretik ere izango dira ekitaldiak. Gaur, osteguna, bi lan aurkeztuko dituzte: batetik, Miren Larrearen "Alma de Puerto" izenburuko liburua; eta bestetik, Mikel Gorrotxategik Algortako Portu Zaharrean egindako toponimia lana (QR kodeak eta seinaleztapena). Hitzordua 19:30ean jarri dute Etxetxun. Argazkian, auzolana Etxetxun, artxiboko irudian/ © Portuzarra elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun