2013ko Gabon zahar gaueko kanpai-hotsak Bizkaiko Zubitik emitituko ditu ETBk, aurten bere 120. urteurrena ospatzen duen Euskal Autonomia Erkidegoko monumentu entzutetsuena eta Gizadiaren Ondarea den aldetik. Horrelaxe aurreratu dute gaur goizean, prentsaurrekoan, Pello Sarasola ETBko zuzendariak eta Marta Uriarte Bizkaiko Zubiko zuzendari kudeatzaileak, Getxoko eta Portugaleteko alkateekin batera; Imanol Landarekin eta Mikel Torresekin batera, hurrenez hurren. Getxoko eta Portugaleteko udalek, El Transbordador de Vizcaya SL enpresak eta ETBk lankidetza-hitzarmena sinatu dute jarduera hori aurrera eramateko, “Bizkaiko Zubia eta hori kokatuta dagoen Getxo eta Portugaleteko udalerriak erakargarri turistiko bezala sustatzeko, hedatzeko eta indartzeko balioko baitu”, Imanol Landa alkate getxoztarrak aurreratu duenez. Saioaren grabazioa abenduaren 12an egitea aurreikusita dago. Argazkia: © Getxoko Udala.
Lankidetza-hitzarmen horren arabera, grabazioa egingo den lekuan pantaila ipiniko dute, erlojuarekin, su artifizialak jaurtiko dituzte, Bizkaiko Zubiak argiztapen berezia biztuko du eta bi itsasontzi kontratatuko dira. Halaber, erakunde horiek ikuskizuna grabatzeko eta muntaketa egiteko antolaketan eta koordinaketan parte hartuko dute. ETBk, bere aldetik, Bizkaiko Zubiaren, eta Getxo eta Portugaleteko udalerrien kolaborazioaren berri emango du saioan zehar eta bi udalerriei buruz eta dituzten baliabide eta eskaintza turistikoari buruz ere aipamen bereziak egingo ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun