Alde batetik, 60 metro koadroko azaleran bulego administratiboa ezarriko da. Zehazki gaur egun Pinuetako auzoan dagoen bulegoa, hau da, udal tramiteak egiteko zonaldeko herritarrek erabiltzen duten bulegoa. Bigarren erabilera txokoarena da. Eraikinaren 90 metro koadro herritarren erabilerarako zuzendutako auzoko txokoa izango da. Sukaldea eta jantokia prestaturik, edozein leioaztarrak, eta bereziki zonaldekoek, txoko hau erabiltzeko aukera izango du bazkariak, ekintza gastronomikoak edota sozialak egiteko. Modu honetan, Leioako hegoaldeko biztanleek iparraldekoek duten San Bartolomeko txokoaren antzeko udal zerbitzu batez gozatzeko aukera izango dute.
Eraikuntza lanak
Eraikuntza lanak ohiko sistemak erabiliz egingo dira, baina eraikina egin ostean jasangarriak diren hainbat sistema teknologiko ezarriko zaizkio eraikin berriari. Lan hauek zonaldeko egokitze lanekin borobilduko dira, zonaldeko urbanizazioa eta moldatu berri dagoen Dolores Ibarruri plazaren eta Gaztelubide parkingaren loturekin. Eraikina lurzorua baino gorago kokatuko da terraza baten bidez, nagusitasuna emateko. Gainera, pergola bat gehituko zaio, eta nola ez, berde gunea eta hainbat zuhaitz. Guztira 500.000 euro baino zer edo zer gehiago jarriko ditu Udalak proiektu hau aurrera ateratzeko, eta eraikin historiko hau herritarren esku jartzeko.
"Jagolearen etxea" bezala herrian ezaguna den Leioako Langileria kaleko 202. zenbakiko etxetxoa maiatzerako izango da prest, Udalak zabaldu duenez. Ordutik aurrera, Pinueta, Lamiako eta Ibaiondoko udal bulegoa izango da, beste funtzio batzuen artean. Zehazki, tokiko erakundearen asmoa zonalde horretako udal bulego deszentralizatua bertan ezartzea da, eta horretaz gain bestelako ekipamendu bat ezartzea bertan herritarrei zuzendutakoa. Antzina Artatza Jauregiko parte izan zena eta egun Leioako ondare historikoa osatzen duen eraikin historiko hori hiru auzo leioaztarren artean kokatzen da; Lamiako, Pinueta eta Ibaiondo artean, hain zuzen ere, Itzubaltzeta / Romoko Gaztelubide biribilgunearen parean. Berrikuntza lanek eraikinaren berezko estetika mantenduko dute, eta bide batez, atzeko aldean zati berria gehituko zaio eraikinaren edukiera zabaltzeko asmoz. Horrela, eraikin berriztatu osoaren zabalera 150 metro koadro baino gehiagokoa izango da, erabilera nagusi bitan banatuta. Argazkian, "Jagolearen etxea"ren kontura oposizioko alderdiei "iruzurra egitea" leporatu zion orain urtebete Leioako Bilduk Udalari
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun