HAPOren berrikuspenaren gaineko eztabaida aldarrikatu dute “Getxoko Sirenoa”-ren "bahiketaz"
"Non dago Sirenoa?" lelopean YouTube sare sozialaren bidez zabaldutako bideoan, beregain hartu dute aipatu irudiaren "bahiketa" horren egileek. "Ekintzaren" bitartez, "behar-beharrezkoa den" Herri Antolakuntzako Plan Orokorraren (HAPO) berrikuspenaren inguruko eztabaida mahaigaineratu nahi izan dute aurpegia estalitako hiru ezezagunek, erakunde armatu baten bideo-adierazpenen parodia eginez. Ildo horretan, sirenoa bueltan izateko, 15 eguneko epean, ondoko bi eskaeretako bat betetzea exijitu diote Getxoko Udalari: batetik, "udalerrian erabili gabeko nabe-industrialak eta etxe hutsak egon bitartean, etxebizitza, nabe-industrial zein errepide berririk ez eraikitzeko konpromisoa publikoki hartzea". Ala, bestetik, "Algortako Telletxe eta Areetako Xake plazetan, zuhaitz autoktonoen kimuen mila ale herritarren artean zabaltzea". Argazkian, bideotik ateratako irudia / © Non dago Sirenoa?
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun