Azoka 10:00etan zabaldu eta ordu bete hasiko dira bestelako jarduerak, Gure Ohiturak dantza taldearen emanaldia kasu. Ordu horretatik aurrera, Errekalde plaza txikientzako topagune izango da, hainbat tailer eta ponien ibilbideak egongo baitira. Bestalde, toki berean, herri kirolen erakustaldia izango da. Eguerdian, “Leioako Elizateko Udala” izeneko lehiaketari helduko zaio txanda. Horretan, Idiazabal Jatorrizko Izendura duen Bizkaiko gaztarik onena sarituko dute, Bulebarrean; eta gazta probatzeko aukera ere egongo da. 12:00etan ere, Jose Ramon Aketxe plazan, Eusko Labela duen txerri errea dastatu ahal izango da. Eguerdiko ordu batean, Bulebarrean, behi eta idi arraza ezberdinei buruzko azalpenak emango dira: bakoitza zein den eta ze ezaugarri dituen azalduko zaie herritarrei. Azkenik, ordu bete beranduago, gazta lehiaketaren sari banaketa izango da eta azokaren girotzean eta dekorazioan parte hartzen dutenen sailkapena ere publiko egingo da.
Azokaren egitaraua
• 10:00etan, azokari hasiera eman.
• 11:00etan, euskal dantzak Gure Ohiturak taldearekin, Errekalde plazan.
• 11:45ean, herri kirolak, Errekalde plazan. Iparraldeko herri eta harri-jasotzaileak.
• 12:00etan, “Leioa Elizateko Udala” Idiazabal Gazta Jatorrizko Izendapenaren Bizkaitar Produktoreentzako XV. Lehiaketa. Gazta dastatzea. Aitabitxi-amabitxiak: Sakoneta Gimnasia Erritmiko Taldea.
• 12:00etan, txerri errea eta sagardo dastatzea: Eusko Label kalitatea, J.R. Aketxe plazan. Laguntzailea: Leioako Merkatari Elkartea.
• 12:00etan, abelgorriak ferratzea, Bulebarrean.
• 12:30ean, abelgorrien biltzea, Bulebarrean.
• 13:00etan, azokan egongo diren behi eta idi arraza ezberdinetarako azalpenak, Bulebarrean.
• 14:00etan, Gazta Lehiaketaren sari banaketa. Postuen eta partaideen girotze lehiaketaren sari banaketa.
• 15:00etan, azokaren amaiera.
Goiz osoan zehar
• Trikitilariak eta txistulariak.
• Haurrentzako tailerrak, Jose Ramon Aketxe plazan.
• Poneyak eta gurdi paseoak, Errekalde plazan
• Idi-gurdia, Boulebarrean.
• Abere erakustaldia, Bulebarrean (behiak eta idiak) eta Errekalde plazan (zaldiak, ahuntzak eta hegaztiak).
• Produktuen erakusketa, dastaketa eta salmenta, Bulebarrean, J. R. Aketxe plazan eta Errekalde plazan.
Leioak nekazari sustraietan atzera egingo du igande honetan, hilak 15, herriaren erdigunean egingo duten Nekazari eta Abeltzaintza Azokaren 26. edizioaren bitartez. Ospakizun berezi horrek gero eta bisitari gehiago biltzen ditu, Bulebarrean eta Jose Ramon Aketxe zein Errekalde plazetan. Horrenbestez, 10:00etatik 15:00etara, Euskal Herriko hainbat toki desberdinetik etorritako dozenaka ekoizleren produktuak egongo dira ikusgai eta dastagai. Bestalde, betiko arraza eta animaliak izango dira Leioan: behiak eta idiak, Bulebarrean; eta zaldiak, ahuntzak eta hegaztiak, Errekalde plazan. Goiza alaitzen, trikitilariak eta txistulariak ibiliko dira. Idi-gurdian igo nahi duenak, berriz, Bulebarrera hurbiltzea besterik ez du izango. Argazkian, abelburuak ere izango dira Leioako Nekazari eta Abeltzaintza Azokan / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun