Horretaz gain, Gabonetako bi kontzertu izango dira (20:00, auditorioa): abenduaren 21ean, Leioako Gazte Orkestra, eta abenduaren 22an, Leioako Musika Banda. Eta abenduaren 26tik 29ra (18:00, auditorioa), Gabonetan Antzerkira zikloa izango da, txikienak diziplina desberdinetara hurbiltzeko, txotxongiloak, dantza, multimedia… Abenduaren 26an, Danza Fernando Hurtado konpainiak “Charlie” aurkezten du, 2012ko Feten dantza ikuskizun onenaren sariaren irabazlea. Charlie Chaplin oroitzeko iraganera zuzendutako begirada bat. 27an, Girovago e Rondellak ”Manoviva” ikuskizuna aurkeztuko dute Italiatik, txotxongilo klasikoetatik garatutako lana; 28an, Markeliñe eta Samfaina de Colors musikaz blai hurbilduko dira “Kapsulak” lanarekin, umeen unibertsora eramango gaituen antzeztutako kontzertua; eta 29an, Kataluniako Companya Pep Bouk aurkeztutako “Clinc” antzezlana, imajinazioa sustatzeko ikuskizuna.
Azkenik, abenduaren 12tik urtarrilaren 26ra, Kultur Leioako erakusketa gelan Tani Quindosek sortutako erakusketa ikusi ahal izango da, “Al hilo del abecedario, homenaje a Ramón Gómez de la Serna” deiturikoa.
Abendurako prestatutako ekitaldien artean, alde batetik, antzerkia nabarmendu dute Kultur Leioako iturriek; antzezlan interesgarri eta anitzak izango baitira adin guztientzat (20:30, auditorioa). Ostiral honetan, abenduak 13, Barco Pirata eta PTC konpainiek Sergio Peris Menchetaren “Tempestad” aurkeztuko dute, Willian Shakespearen lanean oinarritua. Bost aktorek eta hiru musikarik hogeiren bat pertsonaia interpretatzen dituzte, fikzio batean kokatzen dira, batzuetan errealitatea dirudiena baina laster maiuskulaz idatzitako “bizitzaz” hitz egiten duen ipuin bihurtzen dena. Ikuskizun bisuala, soinuduna eta baita usainduna ere, zinematografikoa, aukera jolasgarria eta barregarria, sormen handikoa, pertsonaien arteko katarsi handikoa, hondoratze batean bezala dena mugitzen den bidaia, non ikusleek sentsazioen ekaitza sentitzen duten. Musika ere protagonista handia izango da Kultur Leioan. 24. edizioan, “Música… con alma” zikloak lau formatu berritzailetan (21:00, auditorioa): gau tematikoak amaiera gastronomikoekin. Nortasun handiko banda eta musikariak, oso estilo zainduarekin. Eta zikloarekin bukatzeko, hilaren 20an, gau portugaldarra Quinteto Lisboa taldearen eskutik, Maria Berasarte abeslari donostiarraren ahots ikusgarriarekin eta Helder Moutinho, fadoko musikari-familiaren parte dena. Portugaleko musika urbanoaren erakusgarri, arima berria ematen diote fadoari. Argazkian, “Tempestad” antzerki lana / © Kultur Leioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun