Solasaldiak, tailerrak eta antzezpenak izango dira Getxoko Udalak abenduaren 18an ospatuko den Pertsona Migratzaileen Nazioarteko Eguna dela eta, antolatutako jardueretako batzuk. ”Aurkezten ari garen jarduerekin pertsona guztiek bere garapen pertsonalerako eta sozialerako aukerak bilatze aldera mugitzeko duten eskubidea aldarrikatu nahi dugu eta balioan jarri ere. Mundu justuago, berdintsuago eta aukera gehiagorekin nahi dugu, hau da, pertsona guztientzako bizi kalitate hobeagorekin. Eta harrera gizarteetan, Getxokoa bezalakoetan, auzokideentzako kohesio soziala izatea nahi dugu”, aipatu du Elena Coria Immigrazio Zerbitzuko zinegotziak. Gaineratu duenez, “jakin badakigu horrek norberaren eta gizartearen eraldaketa eskatzen duela eta ildo horretan Getxoko Udala aniztasunaren kulturartekotasuneko gestioaren barruko hainbat ekimen bultzatzen ari da. Horrela, aurten martxan jarritako zurrumurruen kontrako estrategia norberaren eraldaketarako eta konpromisorako gonbidapena da, gizartearen aldaketa lortu ahal izateko. Gizarte horren oinarriak aniztasuna, lotura, bertokoen eta atzerritarren arteko harremanak eta diskriminazioa prebenitzeko partaidetza politikoa eta soziala izan behar dira”. Argazkian, Zurrumurruen kontrako estrategia
Utopian zentroko Arantxa Iurre da Udalak bultzatutako zurrumurruen kontrako estrategian parte hartu duen agentetako bat. Berak burututako saioetan ikasitakoa jakinarazi die zentroko gainontzeko irakasleei eta ikasleei. “Udalak antolatutako saioek erakutsi didate immigrazioari buruzko estereotipo negatiboei aurre egiten, agresibitaterik gabe eta era lasaian eta hori ikasleei helarazi diegu. Indarra eta balorea ere eman dizkidate horretan dabilen jendea atzeratuta dagoela agertzeko. Argi dago ez dagoela arraza hobeagorik eta niri indarra eta balorea eman dizkidate saioek horretan ari direnak atzeratuta daudela esateko. Arazoa beraiek dute ez guk, azaldu du. Amaitzeko, Elena Coria zinegotziak getxoztar guztiak gonbidatu ditu antolatutako jardueretan parte hartzera, “denon artean kulturartekotasuna ezaugarri duen eta immigrazioari buruzko zurrumurruei eta estereotipo negatiboei aurre egiten dien Getxo eraikitzeko”.
Jardunaldien kartela
