Ernai gazte erakundeko Itzubaltzeta / Romoko taldeak "Garunen Lubakia" izeneko aldizkariaren lehenengo zenbakia plazaratu berri du. Fanzineak hainbat gai biltzen du, hala nola, ezker abertzaleko zenbait gazteren aurkako epaiketak eta atxilotze aginduak salatzeko Gasteiz, Orereta, Donostian eta Ondarroan eginiko ekimenak; Batasuna eta herriko tabernen aurkako 35/02 auzia, Josu Iturburu Itzubaltzeta / Romoko Branka kultur elkartearen presidentearen ahotik; Xabier de la Maza gazte gorliztarrak 26/11 auziaz emandako lekukotasuna, Lomce Legea eta Itzubaltzetako Emakumeon Asanbladari elkarrizketa. "Garunen Lubakia" aldizkaria, 16 orrikoa, ohiko lekuetan eskuratu daiteke, ezker abertzaleko neska-mutilek borondatearen truke banatzen dutela. Argazkian, pasa den urrian Uribe Kostako Ernaik antolatu zuen UK Martxaren irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun