Getxoko Udalak antolatutako Auzoz-Auzo "partaidetzarako" ekimena, gaur, ostiralean, abenduak 13, Negurira eta Algortara helduko da, herritarrek beren iritziak eta iradokizunak etxeko gutunontzietan sartutako triptikoan dagoen ebakian idatzita sartu ditzaten. Horretarako, “Getxo Auzoz Auzo. Zure iritziak zure auzoa eraikitzen du” lelopean, Alango eta Martikoena kaleen arteko eta Basagoiti Etorbide zein Goiarzu kalearen arteko gurutze-bideetan bi postontzi gorri jarri dituzte eta, toki horietan, abenduaren 27ra arte egongo dira. Horixe, Alango plazan asteartean eta asteazkenean, abenduaren 17an eta 18an, lehenengo egunean 10:00etatik 14:00etara eta bigarrenean soilik goizez jarriko duten karpan ere entregatu ahal izango dute herritarrek. Karpa Neguriko metro geltokiaren kanpoan ere jarriko dute, baina abenduaren 19 eta 20an (10:00etatik 14:00etara eta bigarrenean soilik goizez). Argazkian, azaroaren 5ean aurkeztu zuen egitasmoa Imanol Landa alkateak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun