Nolanahi ere, gero eta gehiago dira irudimenaz eta originaltasunaz jantzita datozen aldarrikapen-ekintzak, kolore berri bat eman diotenak protestari. Eta ekitaldi horiek zerbait lortzen badute da jendartearen arreta deitzea eta zabaldu nahi duten mezua jendearengana ailegatzea, protestaren karakterizazioaren gainetik, modu horretan eztabaida sortuz herritarron artean.
Herritarrongandik urruti dauden agintarien antipodetan mugitzen diren herritarrak daude, eta beraien proposamena da: sosa handiko makroproiektuen aurrean: irudimena; zigorraren aurrean: konpromisoa; demokrazia deskafeinatuaren aurrean: herri mugimendua…
Kontuak kontu, azaldu duzuen sormenagatik, konpromisoagatik, ganoragatik…, bahitzaileak, tartalariak, solidarioak, bizardunak…: bejondeizuela!, chapeau!, olé! (Terrorismoaren gorazarre ote?).
Daniel de Miguel Avecilla, Ke-lo-Kemen Plataformaren idazkari nagusiaren ondokoa
Algortako Portu Zaharreko sirenoaren bahiketak hautsak harrotu ditu. Parodiaren planoan kokatzen den ekintza aldarrikatzaileak oihartzun handia izan du hedabideetan, eta eskuma neoliberalarekin lerrokatuta dauden komunikabideek ez dute denborarik galdu ekimena gogor kritikatu eta kriminalizatzeko. Getxoko alkateak ere bere iritzia eman du, eta ekintza patetikoa dela eta Getxoko herritarrekiko erabateko errespetu falta eta intolerantzia erakusten duela esan du. Gure sasi-demokrazia honetan gizarte zibilak urrun ditu instituzio publikoak, eta herritarron parte-hartzea gauza publikoetan lau urtean behin bozkatzera mugatzen da, nahiz eta batzuk ahalegintzen diren egoera makillatzen aholku-batzorde lausoen bitartez edo gutunontziak auzoz auzo jartzen. Horren aurrean, iritzia benetan bahituta dagoen honetan, erakundeen ateak itxita dituen jendeari protestaren bidea baino ez zaio geratzen agintarien eta, oro har, jendartearen atentzioa deitzeko. Baina protestaren kriminalizazioaren garaian bizi gara, eta markatutako bidetik ateratzen den edozein ekintza-mota ekintza terroristatzat jo ohi da, nahiz eta bakezalea eta sinbolikoa izan, eta zenbait lagun kalean biltzea mezu ofizialaren aurkako edozein gauza aldarrikatzeko delitutzat jo ohi da edo/eta komunikabide ofizialek ezikusiarena egiten dute. Argazkian, Marcos Lopez artista argentinarraren “El Sireno del Rio de la Plata" ezkutatu dutenen bideo-komunikatuaren irudia / © Non dago Sirenoa?
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun