Era berean, Getxoko Udalak sor daitezkeen beharrei erantzuteko zenbait azpiegitura eta zerbitzu edukiko ditu prest (apurtu eta jausitako zuhaitzak kentzeko ibilgailu eta beharginak, garbiketarako kamioiak... Udaltzaingoa eta Babes Zibilaren jardunekin batera).
Gomendioak
1. Ate-leihoak ixtea eta haizeak eroan eta istripuak eragin ditzaketen tresnak kentzea kanpoaldetik (Gabonetako apaingarriak, loreontziak, arropa esekitokietatik eta abar).
2. Kontu handia jartzea kalean jarritako behin-behineko aldamioen azpitik ibiltzean.
3. Merkataritzako lokalek kalean ondo tinkatu barik dituzten olanak, mahaitxoak eta antzekoak kentzea.
4. Aldamio, obretako hesi eta behin-behineko instalazioen arduradunek behar diren segurtasun-neurriak hartuko dituzte instalazio horietan.
5. Errepidetik autoz joatea ekiditen saiatu behar da. Autoa erabili behar izanez gero, kontu handia eduki leku zabaletatik eta zubietatik igarotzean.
6. Zuhaitzetatik, hormatatik edo teilatuetako erlaitzetatik urrun ibiltzen saiatzea eta lanetan dauden edo egoera txarrean dauden eraikuntzetatik urrun ibiltzea.
7. Ez hurbildu haize zakarrengatik olatuek eta marea biziek eragina eduki ditzaketen tokietara. Ez erabili itsasontziak eta loturak begiratu. Ez praktikatu itsas kirolik.
Oro har, inora joatekotan, eguraldiaren iragarpena aintzat hartzeko eskatzen da, haize-bolada indartsu horiek eragin dezakeen arriskutik babesteko (zuhaitzak jaustea, haizeak eroandako tresnak), eta arreta berezia jartzeko autoa hartu behar izanez gero.
Larrialdiren bat izatekotan honako telefono zenbaki hauetara deitu behar da: 944 660 202 (Udaltzaingoa) eta 112 (SOS Deiak).
Iragarpenen gaurkotzeak eta iragarpenak Euskalmeten (http://www.euskalmet.net) bitartez segitzea gomendatzen eta kasu hauetan, bereziki Twitter(@Euskalmet)en bidez.
Haizeteak direla eta, Olentzerorako jarritako eszenatokiak kenduko ditu Getxoko Udalak
Eusko Jaurlaritzaren Segurtasun Sailak haize gogorragatik alerta laranja jarri du indarrean gaurko eta biharko hau da, gaur, astelehenean, abenduak 23, 18:00etatik 12:00etara toki irekietan eta ez irekietan, eta bihar, asteartean, abenduak 24, 00:00etatik 12:00etara alde ez irekietan eta 18:00etara bitartean irekietan. Borraska gogorrak olatu handiak ere eragingo ditu. "Une honetako daten berezitasunez kontzienteak izanik, bereziki haurrei zuzendutako jarduera ugarirekin", Getxoko Udalak, "segurtasun arrazoiengatik", Olentzerori lotutako jarduerak ospatzeko jarritako eszenatokiak kendu egingo ditu gaur eta jarduerak une bakoitzeko meteorologia egoeraren arabera eramango dituzte aurrera edo bertan behera geratuko dira. Gaur eta bihar Getxo Kirolak erakunde autonomoak antolatutako kanpoaldeko kirol jarduera guztiak ere bertan behera geratu dira. Egoitzatik kanpo antolatutako kirol campusak instalakuntzen barrura eramango dituzte. Argazkian, aurreko zikloi batek Areetan suntsitutako Sapaburu belaontzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun