Bestalde, gaurkoan, Leioako Plaza Gorria izango dira Olentzero eta Mari Domingi, 17:00etan, urtarrilaren 11rako deia zabaltzeko asmoz. Bitartean, Algortan, urtarrilaren 3ra bitartean, preso eta iheslari politikoen aldeko elkartasun gunea jarri dute Telletxe plazan, egun batzuetan goizez (11:00-14:00) eta beste batzuetan arratsaldez (17:30-20:30), hainbat helbururekin: Sevilla II presoen senideek bertoko zuzendariari bidaltzeko egindako gutun berria banatu; Algorta eta Getxoko presoei bidaltzeko postala idatzi; urtarrilaren 11ko mobilizaziorako "tantak" bertan egongo dira eskura euro batean... Bestalde, Amnistia tabernan, Gabonetako materiala (arropa,...) salgai egongo da. Baita Ataramiñe kultur elkartea eta argitaletxea plazaratutako uzta berria. Hiru nobedade kaleratu dituzte aurten. Mikel Antzaren "Z2" antzezlana, Jokin Urainen "Agurra eta ohorea. Euskal militanteen heriotzaren kronika" saiakera eta 23 presok idatzitako testuak batzen dituen bilduma. Nobedadeez gainera, Mikel Orbegozoren "Preso nago 2" komiki liburua argitaratu dute berriz.
Euskal preso eta iheslari politikoen eskubideen aldeko Sopelako herri bilguneak prestatutako ekimenekin jarraituz, abenduaren 27an, Urteko Azken Ostiralean, kontzentrazioa egingo dute Udaletxeko plazan; eta ondoren kalejiran joango dira Sekeko gaztetxeraino. Hilaren 31n, Gabon Zahar egunean, berriz, preso eta iheslari politikoen aldeko brindisa egingo dute, 19:00etan, udaletxe aurrean.
Zaku bete opari (edo ikatz) ez ezik, euskal preso eta iheslari politikoekiko elkartasun adierazpen ugari ekarriko ditu Uribe Kosta eta Erandiora Olentzerok, Tantaz Tanta ekimenak urtarrilaren 11rako Bilbon deitutako mobilizaziora begira. Besteak beste, Sopelan, udaletxeko plazan egon zen atzo ikazkina, beste herritarrekin batera, errepresaliatuen eskubideen aldeko olatua osatzeko deia eginez. Sopela.net agerkari digitalak azaldu duenez, haize ufada indartsuek prestatutako ekitaldia baldintzatu zuten, baina panel txuri batzuen atzetik itzal bizidunek Olentzeroari gutuna irakurri zioten presoen eskubideak behingoz errespetatuta izan daitezen eskaera eginez. Txalaparta, adarra, eta Olentzeroaren erantzuna ere entzun zen. Amaitzeko, Olentzeroaren abestia eta "Hator hator" doinu herritarrarekin ekitaldiari amaiera eman zioten. Ondoren, bildutakoek txistorra-jan herrikoi baten inguruan solasaldi solidarioa egin zuten. Argazkian, preso eta iheslarien aldeko Olentzeroa Sopelan, artxiboko irudian / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun