Mutiletan, multzo bakarra izango da, lau taldek osatutakoa, bi kataluniarrak eta bi euskaldunak: AEC Vallbona eta FC Barcelona, batetik, eta Madre de Dios (Bilbo) eta Getxo, bestetik. Ligaxkatxoa jokatuko dute euren artean eta lehen bi sailkatuek jokatuko dute finala.
Boleibol Txapelketa hau, nazioarteko maila izan zuen aurreko edizio batzuetan, ez da boleibola soilik, beste zerbait gehiago baizik, bere sustatzaileen esanetan. “Zerbait gehiago da, alegia, elkartrukea, elkartasuna eta herrialde desberdinetako ohitura eta usadioak ezagutzeko aukera paregabea”, aipatu zuen Alvaro González zinegotziak. Izan ere, eta esaterako, Sant Cugateko 32 jokalari jokalari getxotarren etxeetan igaroko dituzte txapelketako hiru egunak.
Alberto Olaldek, bere aldetik, nabarmendu zuen txapelketa “denborarekin, mailaz eta parte-hartzaile kopuruaz gora egiten ari dela. Duela sei urte hasi ginen lau talderekin eta egun 18ra iritsi gara”. Parte hartuko duten talde guztietako jokalariek ere, 250 lagun guztira, bi afari egingo dituzte elkarrekin. Eta larunbateko afari ostean agurtzeko jaia eta ekitaldiaz gozatuko dute.
Getxoko VI. Boleibol Txapelketa abenduaren 27tik 29ra jokatuko da Algortako Fadura kiroldegian eta aurten nobedade bikoitza izango du: 15 urtez azpikoen mailan jokatuko da eta gizonezkoen multzoa ere izango da, 4 taldez osatua, udal arduradunek jakinarazi dutenez. Katalunia, Galizia, Madril, Kantabria, Asturias eta Euskal Herriko ume taldeak bilduko dira Aixerrota BKTek antolatutako torneoan, Getxo Kirolak udal erakundeak lagunduta. Alvaro González Kirol zinegotziak eta Alberto Olalde Aixerrota BKT-ren arduradunak aurkeztu zuten astelehen goizean kirol ikuskizuna. Guztira 56 partida jokatuko dira hiru pistatan, aldi berean hiru partida izango direlarik. Finalak igandean, hilaren 29an, jokatuko dira. Emakumezkoetan, goi mailako txapelketa izango da, parte hartuko duten 14 kluben artean –parte hartze marka hautsi da– izango dira, besteak beste, Espainiako egungo txapelduna, Lugoko EMEVE, CV Oviedo eta Sant Cugat kataluniarrak –azken horrek hiru talde ekarriko ditu–, biak ere talde oso indartsuak. Horiekin batera, Getxoko neskak, torneoko egungo txapeldunak izango dira. Emakumezkoen koadroa, honako talde hauek osatuko dute: AEC Vallbona (A, B eta C), Collado Villalba, IMD Laredo, Lekeitio, CVAT Sestao eta Aixerrota getxoztarren bigarren talde bat. 14 taldeak lau multzotan banatuko dira lehiaketan zehar, eta hurrengo txandetara multzo bakoitzeko lehen bi sailkatuak pasako dira. Argazkian, Alvaro González Kirol zinegotzia eta Alberto Olalde Aixerrota BKT-ren arduraduna asteleheneko aurkezpenean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun