Metro Bilbao hamahirugarren urtez ibiliko da Gabon Zahar gauean eta hamar minuturo egongo dira trenak ordu jendetsuenetan. Asteartean, hilaren 31n, azken konboiak ondoko orduetan irtengo dira: 20:40an Plentziatik Etxebarrira; 20:53an Santurtzitik Basaurira; 20:56an Basauritik Santurtzira eta 21:03an Etxebarritik Plentziara. Urteberrian, berriz, 01:00etan hasita, goizaldeko 3:00ak arte, trenak hamar minuturo ibiliko dira Etxebarri eta Bidezabal zein Basauri eta Santurtzi artean eta 30 minuturo Plentziara. Goizaldeko 3:00ak eta 6:00ak bitartean, maiztasuna hogei minutukoa izango da linea guztietan. Halaber, 6:00etatik 9:00ak arte, trenak hamar minuturo ibiliko dira Etxebarri zein Basauri eta Bidezabal zein Santurtzi artean eta 20 minuturo Plentziara. Argazkian, hainbat bidaiari metroan sartzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun