“Amesten” proiektuaren aurrekontua 6.900 eurokoa da. Horixe izango da, hain zuzen ere, jasoko duen saria. Horretaz aparte, 10 orduko aholkularitza profesionala ere jasoko du sari gisa.
Bigarren saria irabazi duen “Book Trailer” proiektuaren helburu nagusia euskaraz irakurtzeko zaletasuna bultzatzea da. Horretarako lehiaketa txiki bat antolatu nahi du Getxoko DBHko 2. mailako gazteen artean. Lehiaketan parte hartzeko gazte bakoitzak book trailer txiki bat egin beharko du (liburu bat zertan datzan azaltzeko bideo txiki bat). Proiektu horrek 3.100 euro jasoko ditu sari moduan eta, baita ere, 10 orduko aholkularitza profesionala.
Bi proiektuak abiatu eta gauzatzeko, urtebete izango dute sustatzaileek eta urtarril honetan hasiko dira.
Wanted Ideia Lehiaketako bosgarren edizioak baditu irabazleak. Lehenengo saria, Ruth San Cristobal Garamendik, Blanca Garate Sacristanek eta Hugo Blanc Ojedak sustatutako “Amesten” proiektuak irabazi du, eta bigarrena, Garazi Basterretxea Bareak, Jone Ibarretxe De la Calek eta Irati Astobieta Lakontzak aurkeztutako “Book Trailer” proiektuak. Lehiaketa Udalaren Gazteria Zerbitzuak antolatutakoa da eta bertan 21 lan aurkeztu dituzte, guztira. Lehiaketa irabazi duen “Amesten” egitasmoaren helburua aniztasun funtzionala edo minusbaliotasunen bat duten haurrei eta haien familiei Getxoko kirol jardueretan parte hartzeko erraztasunak ematen saiatzea da. Zehazkiago, judo eta dantzan. Horretarako errealitate areagotuaren tresna bat erabiliko da. Horri esker parte-hartzaileak kirol horretako mugimenduetan trebatzeko aukera izango du, kirol errealera igaro aurretik. Argazkian, azaroan egindako lan jardunaldia / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun