Altzaga
18:00 Errege Magoen kabalgata Jado ikastetxetik abiatuta.
Astrabudua
17:30 Errege Magoak itsasadarretik helduko dira, Gizarte Unamaz Alkartuak elkarteak antolatuta. Kabalgata Astrabuduatik.
Harrera elizaren arkupetan:
- Fotocall Errege Magoekin FotoClub Astrabuduari esker.
- Txokolatada.
- Gabonetako kontzertua. Musika Eskola eta Iparraize Txistulari Taldearekin.
Urtarrilaren 19an argazki bana emango diote ume bakoitzari (elizaren arkupetan).
Berango
19:30 Erregeen kabalgata Berangoetako kultur etxetik frontoiraino. Harreraren ostean, DJ Xaibor-en emanaldia.
Getxo udalerria
18:00 Desfilearen lehenengo zatiaren hasiera Getxoko Andra Mari kiroldegitik. Maidagan eta Aingeruaren Etorbidea igarota, Algortan sartuko dira Telletxe eta Mariandresena kaleetan zehar, Kasinoaren aurrean amaitzeko.
19:00 Errege Magoak Algortako kultur etxera (Villamonte) joango dira, txikiekin mintzatzeko.
19:30 Desfilearen bigarren zatia, Areeta eta Itzubaltzeta / Romon zehar. Areetako Etorbidean hasita, ibilbidea honako hau izango da: Kale Nagusia, Ezekiel Agirre, Kresaltxu, Gorbeia eta Gobelaurre.
20:15 Errege Magoak Areetako Andres Isasi musika eskolaraino joango dira, haurrekin egoteko.
Gorliz / Plentzia
18:00 Desfilea Eliz plazatik abiatuko da, Itsasbide eta Areatza zeharkatuta, 20:00etan Plentziako Astillero plazara heltzeko.
Leioa
18:30 Errege Magoei harrera Sakoneta kiroldegian.
Uribe Kosta eta Erandion barrena ibiliko dira etzi Meltxor, Gaspar eta Baltasar
Uribe Kosta zein Erandioko hainbat herri eta auzo bisitatuko dituzte igandean Errege Magoek. Besteak beste, Gizarte Unamaz Alkartuak taldeak deituta, 17:30ean abiatuko dira Meltxor, Gaspar eta Baltasar, Astrabuduan zehar desfilea egiteko. Ordu erdi beranduago jarri dute hitzordua Jado ikastetxean. 18:00etan ere Andra Mari kiroldegitik abiatuko da kabalgata, batetik, Getxo eta Algorta; eta bestetik, Areeta eta Itzubaltzeta / Romo zeharkatzeko. Gorlizen, 18:00etan hasiko da desfilea Eliz plazan, Itsasbide eta Areatza zeharkatuta, 20:00etan Plentziako Astillero plazara heltzeko. Bitartean, Leioako Sakoneta kiroldegian 18:30ean izango dute harrera. Azkenik, Berangon, 19:30ak aldera, Berangoetako kultur etxetik frontoiraino desfilea egin eta bertan egingo diete harrera Errege Magoei. Horren ostean, musika emanaldia eskainiko du DJ Xaibor-ek. Argazkian, Gaspar neskato bat altzoan, artxiboko irudian / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun