Tailerra, berriz, 12 saiotan burutuko da, astelehenero, arratsaldeko 5etatik 7etara. Bertan, jorratuko diren gaiak honakoak dira: emakumearen aroak ezagutu eta baloratzea; guraso, seme-alaba zein bikotekideekiko harremanetan posizioa hartzea; osasun fisikoa zein mentala; eta lanak emakumeen bizitzan duen eragina. Tailerrean parte hartzeko aurretik izena eman behar da, Inolan bertan edo 946 763 496 telefonora deituz.
"What To Expect When You're Expecting" filmaren aurrerakina
Urte berriari gogotsu ekin eta lehenengo jarduerak antolatu dituzte dagoeneko Inola Urdulizko emakumeen elkarteko kideek. Gauzak horrela, ostiralean, hilak, 10, "Que se puede esperar cuando estas esperando" ("What To Expect When You're Expecting") filma eskainiko dute, genero ikuspegidun zinema zikloaren baitan. Era berean, astelehenean, urtarrilak 13, "El laberinto de la feminidad" izeneko tailerra abiatuko dute. Filmari dagokionez, "What To Expect When You're Expecting" Kirk Jones-ek zuzendu zuen 2012an, Heidi Murkoff-ek idatzitako haurdunaldiari buruzko libururik salduenean oinarrituta. Komedia erromantiko horretan, lau bikoteen beldurrak, emozioak, humorea eta buruhausteak deskribatuko dira, guraso bihurtzearen isla. Filma Urdulizko kultur etxean ikusi ahal izango da arratsaldeko 7etatik aurrera. Horren ostean, eztabaida izango da, Maite Saenzen eskutik. Argazkian, Inola Urdulizko emakumeen elkarteko kideak artxiboko irudian / © Inola.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun