EAJk beharrezko eta premiazko jotzen du 180 graduko aldaketa eragitea arlo honetan gauzatzen den eta salbuespeneko legeria oinarri duen kudeaketa judizialean, zein Barne Ministerioaren politiketan eta horiek kudeatzen dituzten pertsonengan. Gaurkoa [atzokoa] bezalako jarduerek agerian uzten dute argitasun politikorik eza eta euskal gizarteak duen bake eta bizikidetza nahiarekiko sintoniarik eza. Gainera, mutur bietako sektorerik gogorrenak eta erradikalenak elikatzen dituzte.
Inboluzioa bilatzen ari diren horien aurrean, EAJk bortxakeriaren arrakala behin betiko ixteko eta Euskadin bake iraunkorra erdiesteko urratsak ematen ari direnak babesten ditu,eta alde bakarretik hasitako bidetik aldenduko dituzten probokaziotan ez erortzera animatzen ditu.
Euzko Alderdi Jeltzalea
Guardia Zibilak gaur [atzo] arratsaldean Euskadin burutu dituen atxiloketen kariaz, EAJk publikoki adierazi nahi du Poliziaren eragiketa hau gertatu den egoera eta uneagatik eragiten dion kezka. Eragiketa susmagarria da gure ustean, oportunista da eta, horrez gain, guk nahiko genukeena baino abiadura motelagoan doan arren, euskal gizarteak azken aldi honetan eraman duen norabidearen kontrakoa. Eragiketa judiziala baino gehiago, gaur [atzo] arratsaldean egin dena benetako probokazio politikoa izan da, are gehiago gertatu den unea kontuan harturik. Zergatik atxilotu dira gaur [atzo], iragan larunbatean Durangon bide demokratikoetarako urratsa onartzeko agertu ziren pertsonak, Bilbon ETAko presoen eskubideen defentsaren aldeko manifestazioa egin baino 72 ordu lehenago? Argazkian, Andoni Ortuzar EAJren EBBko presidentea Areetan, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun