Getxoko Kirol Portuan lotu gabeko kanalizazioak, apurtutako espaloiak, konpondu gabeko zuloak, pilatutako zaborra, erdoildutako heziak, txikitutako zuhaitz-txorkoak, utzitako paperontzi eta estoldak... bezalako "kalte handiak" daudela salatu du gaur PPk. Hori dela eta, instalazioak kudeatzen dituen Sociedad Pública del Puerto Deportivo El Abra de Getxo S.A. enpresarekin "larrialdiko batzarra" egitea eskatu dio Marisa Arrue tokiko popularren bozeramaileak Udalari. Kirol Portuan dauden arazoak aztertzea, horiek konpontzeko ekintza plana zehaztea eta horretaz nor arduratu behar den erabakitzea lirateke bileraren helburuak. Aipatu lekuaren "abandonu itxuragatik ezinegona" helarazi ei diete PPkoei auzokideek, Arruek gaineratu duenez. Horrekin batera, Kirol Portuko taberna eta jatetxeen terraza eta mahaitxoen inguruan "inolako kontrolik ez" dagoela adierazi du. Argazkia: © Getxoko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun