Klubaren kide diren pertsona guztiak ohiko eta aparteko batzarretara deitu ditu Leioa Mendi Taldeak. Batzarra urtarrilaren 25ean, bi larunbat barru, izango da: lehenengo deialdia 17:00etan eta bigarrena 17:30etan. Bilkura kirol-didaktiko gelan egingo da, Sakoneta udal kiroldegian (Sabino Arana Etorbidea, 77). Susana Ruiz Leioa Mendi Taldeko presidenteak beraien webgunean zabaldutako oharrean argitu dutenez, ohiko batzarreko gaiak ondokoak izango dira: 2013an zehar Leioa Mendi Taldeak egindako ekintzak, 2013ko kontuen balantzea, 2014ko urterako aurrekontuak, 2014ko ekintzen antolamendua, lizentzia eta aseguruaren informazioa, zuzendaritza batzordeko kargu batzuk gainditzea eta eskari-galderak. Aparteko batzarreko gaiari dagokionez, ez du ezertxo ere aipatu. Hori bai, puntualtasuna eskatu du. Argazkian, eskualdean ez dira gutxi dauden mendi taldean, tartean Muñarrikolanda / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun