Proiektua 2011n sortu zen, euskaraz mintzatzeko elkartzen diren gurasolagun taldeetako kide batzuek eskatuta, txikienekin, 2 eta 4 urte bitartekoekin, nahiz eta euskaldunak izan, ez zeudelako ohituta euskaraz jolastera, edo baliabideak (liburuak, kantak, jolas liburuak..) ez zituztelako ezagutzen. Martxan jarri zen Olgetan euskaraz ekimenak guraso horiei lagundu nahi die familien hizkuntza-ohituretan eragiteko eta gurasoak euskararen alde motibatzeko.
"Olgetan euskaraz" 2014ko taldeak
Zabala Eskola (gimnasioan)
Asteartea: 17:30-18:15.
Hasiera: urtarrilak 14. Amaiera: apirilak 8
Euskaraz
Romo ikastetxea (ume txikien gelan)
Asteartea: 17:30-18:15.
Hasiera: urtarrilak 14. Amaiera: apirilak 8
Euskaraz
Romo ikastetxea (ume txikien gelan)
Asteartea: 18:30-19:15.
Hasiera: urtarrilak 14. Amaiera: apirilak 8
Gaztelaniaz
San Nikolas ikastola (gimnasioan)
Asteazkena: 17:30-18:15.
Hasiera: urtarrilak 15. Amaiera: apirilak 9
Euskaraz
San Nikolas ikastola (gimnasioan)
Asteazkena: 18:30-19:15.
Hasiera: urtarrilak 15. Amaiera: apirilak 9
Euskaraz
Zabala eskola (gimnasioan)
Asteazkena: 18:30-19:15.
Hasiera: urtarrilak 15. Amaiera: apirilak 9
Gaztelaniaz
Zabala eskola (gimnasioan)
Osteguna: 17:30-18:15.
Hasiera: urtarrilak 16. Amaiera: apirilak 10
Euskaraz
San Nikolas ikastolan (gimnasioan)
Osteguna: 18:15-19:00
Hasiera: urtarrilak 16. Amaiera: apirilak 10
Euskaraz
Bi eta lau urte bitarteko umeak dituzten 50 familiek parte hartuko dute 2014ko "Olgetan euskaraz" ekimenean, guraso eta seme-alaben arteko jolasak eta kantak euskaraz izaten laguntzeko helburuarekin. Egizu Getxo Euskaldun elkarteak, Sendi proiektuaren barruan bultzatutako ekimenaren laugarren edizioa izango da, oraingoan zortzi talderekin, (horietatik bi gaztelaniaz), San Nikolas ikastolan, eta Zabala eta Romo ikastetxeetan, bi dinamizatzaileren eskutik, hainbat egun eta ordutegiren aukeran. Talde guztiak gaur eta ostirala artean abiatuko diren arren, urtarrilean zehar izena emateko aukera izango dute guraso eta seme-alabek, Lander Solozabal Egizuko kideak UKBERRI.NET agerkariari baieztatu dionez. Horretarako, 685 732 963 telefono zenbakira deitu edo egizugetxo[abildua]gmail.com helbide elektronikora idazterik baino ez dago. Hori bai, euskarazko taldeetan gurasoak euskaldunak izan beharko dira. Bestalde, gaztelaniaz diren taldeetan dinamizatzaileek umeei euskaraz hitz egiten diete, materiala euskaraz dago eta gurasoekin euskara gaztelaniarekin konbinatzen da. Argazkian, iazko "Euskaraz olgetan" jaia / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun