"Euskarak Euskal Herria du bizitoki bakar eta, jakina denez, egoera gutxituan dago. Gainera, gurean beste hizkuntza ugari bizi dira, asko azken urteetan etorri diren pertsonek ekarriak. Aniztasuna, beraz, etxean daukagu. Bakoitzak bere hizkuntza zaindu eta erabiltzeaz gain, beste hizkuntza batzuk ere ikasiz gero, denok aberastuko gara, eta bakoitzak bereari uko egin gabe, euskara izan dadila guztion arteko kohesio eta komunikazio hizkuntza", azaldu dute.
Euskaltzaleen Topaguneak hainbat urte daramatza euskara eta aniztasun gaiak jorratzen, eta hiztegitxoak.eu webguneak norabide horretan "pausu bat gehiago emango du", hainbat esparrutan baliagarri izan daitekeelako, hala nola eskola eremurako. Honela, elkar harremanerako oinarrizko hiztegi hauekin, elkarren arteko ezagutza eta aitortza bultzatu nahi da euskara erdigunean jarriz.
Topagunea
Euskaltzaleen Topagunea 1997an sortu zen, eta Araba, Bizkaia, Gipuzkoa eta Nafarroako 96 euskara elkartek osatzen dute, tartean dozena erdi Uribe Kosta eta Erandiokoak: Berbalamiñe, Berbots, Bizarra Lepoan, Boluntzarreta, Egizu eta UKBERRI.NET argitaratzen duen Ukberri Uribe Kostako Komunikabide Euskaldunak elkartea. Elkarteon zein mugimenduaren beraren helburuak euskararen erabilera sustatzea eta euskararekiko sentsibilizazioa bultzatzea dira. Horretarako, hainbat esparru lantzen dituzte, hala nola haur eta gazteen aisialdia, kulturgintza, tokiko hedabideak, mintzapraktika, entitateak euskalduntzea eta sentiberatzea.
Euskaltzaleen Topaguneak hiztegitxoak.eu webgunea jarri du martxan. Bertan, euskaratik 35 hizkuntzetarako noranzkoan, eta alderantziz, oinarrizko hiztegiak lortzeko aukera eskaintzen du Topaguneak, eta honela, egunerokotasunean hizkuntza ezberdinetako hiztunen artean "zubi hizkuntza" euskara izatea bultzatu nahi du. Hiztegitxoak.eu webguneak Eusko Jaurlaritzako Hizkuntza Politikarako Sailburuordetzaren babesa jaso du. Webgunearen arduradunek adierazi dutenez, munduan 6.500 hizkuntza baino gehiago hitz egiten dira, hizkuntzak dira kulturen adierazle garrantzitsuenetakoak eta, beraz, munduko kultura aniztasunari eusteko, zaindu egin behar dira. Webgunearen bidez, 330 hitzeko oinarrizko hiztegia eskuratu eta inprimatu daiteke egunerokotasunean erabiltzeko. 35 hizkuntza horietako batzuk gainera, gutxituriko hizkuntzak dira. Era berean, erabiltzaileek hizkuntza berrietako oinarrizko hiztegiak txertatu ditzakete, webgunea gero eta hizkuntza gehiagorekin elikatuz. Dagoeneko dozena erdi dira Topagunean parte hartzen duten Uribe Kosta eta Erandioko euskaldunen elkarteak: Berbalamiñe, Berbots, Bizarra Lepoan, Boluntzarreta, Egizu eta UKBERRI.NET argitaratzen duen Ukberri Uribe Kostako Komunikabide Euskaldunak elkartea. Argazkian, Egizu Getxo Euskaldun! egitasmoko kide batzuk berbalagunek ospatu ohi duten Mintza Egunetako batean / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun