Bigarren fase horretako lehenengo sei sailkatuek nazioarteko talde olinpikoa osatuko dute Nazioarteko 55. Matematikako Olinpiadan lehiatzeko, uztailean, Lurmutur Hirian (Hegoafrikako Errepublika). Era berean, sei horiek, irailean Hondurasen ospatuko den Matematikako 29. Olinpiada Iberoamerikarrean ere parte hartzeko hautagaiak ere izango dira.
Ikasturte honetan ere, ohi bezala, EHU matematikei buruzko tailerrak burutzen ari da (asteazkenero, 17:00etatik 18:30era bitartean, EHUko Bizkaiko Esperientzia Geletan. Matematiketan interesa duten ikasle guztiek parte hartu dezakete tailer hauetan eta, era berean, olinpiadetarako prestatzeko ere balio dute. Honako hau, urterik urtera sendotzen doan ekimena da, matematikei buruzko zaletasuna konpartitzen duten ikasleen topagunea baita.
Matematikako 50. Olinpiadaren EAE mailako fasea egingo dute bihar Leioako campusean
Euskal Autonomia Erkidegoko (EAE) Batxilergoko 50 bat ikaslek parte hartuko dute ostiral honetan, urtarrilaren 17an, EHUko Zientzia eta Teknologia Fakultateko hitzaldi aretoan (Leioa eta Erandioko campusa) egingo den Matematikako 50. Olinpiadaren eskualde fasean, goizeko 09:30etik aurrera. Matematikako Olinpiada Espainiako Matematika Elkarteak (RSME) antolatzen du, EHUko Matematika ataleko irakasle talde baten laguntzarekin. Fase hau saio bitan banatuta egongo da (bata, 9:30ean hasiko da eta, bestea, 15:00etan) eta frogak euskaraz ala gazteleraz egin ahal izango dituzte parte hartzaileek, EHUko iturriek azaldu dutenez. Saio bakoitzean hiru problema ebatzi behar izango dituzte goizean eta, gehienez, hiru ordu eta erdi izango dituzte saio bakoitzean hiru problemak ebazteko. Froga hauetan idazteko eta marrazteko tresnak baino ezin izango dituzte erabili, hau da, kalkulagailuak, aparatu elektronikoak, telefono mugikorrak, liburuak, taulak eta bestelako dokumentuak debekatuta daude. Espainiako Matematika Elkarteak hiru ikasle sarituko ditu, diploma batekin eta bazkide-ikaslearen urteko kuotaren ordainketarekin. Kuota honi esker, besteak beste, RSMEren "La Gaceta" aldizkaria urte betez jasoko dute. Gainera, hiru irabazleak bigarren fasera, estatu mailakora, igaroko dira, edizio honetan Requenan (Valentzia) ospatuko dena, martxoaren 27tik 30era bitartean. Argazkian, hiru gazte ekuazio diferentzialak askatzen / cc-by-sa Juraj Kubica.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun